Incident gjatë Vettingut, prokurori i shkarkuar nuk pranon vendimin ndjek nga pas anëtarët e KPK-së: Ku do më çoni tani, jam pa shtëpi e katandi (FOTO)

Incident gjatë Vettingut, prokurori i shkarkuar nuk pranon vendimin ndjek nga pas anëtarët e KPK-së: Ku do më çoni tani, jam pa shtëpi e katandi (FOTO)

Incidenti gjatë seancës së vettingut

Shkarkimi nga detyra nga KPK e prokurorit të Beratit, Tasim Puci nuk është pritur mirë nga ky i fundit, i cili ka reaguar duke mos i përmbajtur dot emocionet e tij. Pas dhënies së vendimit, prokurori Puci ka ndjekur nga pas anëtarët e trupës gjykuese teksa dilnin nga salla, duke i pyetur dy herë radhazi “Ku do më çoni tani, jam pa shtëpi e katandi”?

Ndjekja e tij ka bërë që të ndërhyjnë forcat e sigurisë duke sjellë qetësimin e situatës.

Gjatë seancës dëgjimore, prokurori Puci u pyet në lidhje me një kontratë noteriale në të cilën ai rezultonte pronar i një apartamenti, të cilin ia kalonte vjehrrit dhe disa shkëmbime financiare me këtë të fundit. Puci pretendoi se nuk kishte asnjë pasuri dhe kërkoi konfirmimin në detyrë.

Por kjo nuk ndodhi, pasi trupa e vettingut e kryesuar nga Olsi Komici, me relatore Suela Zhegu dhe anëtare Genta Tafa Bungo vendosi shkarkimin për prokurorin e Prokurorisë së Beratit, Tasim Puci. Sipas relatimit, ai u gjet me probleme në të tre kriteret e rivlerësimit, atë të pasurisë, pastërtisë së figurës dhe aftësive profesionale.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 16/04/2021 01:51

    Tani qe i mbylle hesapet me Vetingun, kerkoja vjerrit te t'a ktheje prape apartamentin qe ia <<kalove>>,po keshtu dhe ato parate qe ia <<dhe>>,ose shko bashkjeto me te!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Juventusi në garë për Mario Mitaj, Lokomotiva rrit çmimin e mbrojtësit të Kombëtares

Juventusi në garë për Mario Mitaj, Lokomotiva rrit çmimin e mbrojtësit të Kombëtares