POP 5

Lajmet më të lexuara të 5 minutave të fundit

Sport

Incidentet në 'Elbasan Arena', Kadiu
"Tifozët prishën standardet e UEFA"

Dëmi i shkaktuar në stadiumin “Elbasan Arena” pas incidentit mes tifozëve në ndeshjen Elbasani-Tirana është shumë i madh. Drejtori i Stadiumit Dritan Kadia shprehet se shkaktarët duhet të mbajnë përgjegjësi. Sipas tij ky stadium nuk duhej prekur. Kadia: Janë dëmtuar 126 stola, tabelat elektronike dhe djegur bari i fushës  VIDEO
ELBASAN - Një ditë pas incidentit në stadiumin “Elbasan Arena” në ndeshjen Elbasani –Tirana, dëmet e stadiumit llogariten edhe më të mëdha. 

Nuk janë vetëm stolat plastike të dëmtuar, por flakadanët e shumtë kanë shkaktuar dëmtime të rrjetit elektronik të tabelave që rrethojnë stadiumin. Drejtori i stadiumit Dritan Kadia ka përsëritur që ky dëm nuk llogaritet thjesht ekonomik, pasi si pasojë e incidentit vihet në diskutim edhe zhvillimi i ndeshjes kualifikuese të Europianit 2016 në Francë, ku funksionimi i tabelave elektronike të fushës është standart i UEFA-s.

Drejtori Kadia thekson se shkaktarët e këtij dëmtimi duhet të mbajnë përgjegjësi që gjëra të tilla ngjarje të mos përsëriten.

"Përsa i përket tabelës elektronike ajo është reklama që rrethon stadiumin. Ky është një standard i UEFA që bën që ky stadium të jetë i kualifikuar që ndeshjet kualifikuese për në Francë të zhvillohen në këtë stadium." tha Kadia

Drejtori i stadiumit theksoi gjithashtu se nuk ka kompetenca për vendimet e ardhshme që mund të penalizojnë stadiumin, por sipas tij masat do të jenë drastike që gjëra të tilla të mos ndodhin më. 

"Ajo ishtë një lloj pabesie që ndodhi në këtë stadium ku pavarsisht se themi dicka, të kundertën bëmë. Nuk duhet të heqim barrën nga vetja por duhet të nxjerim mësime dhe gjera të tilla sduhet të ndodhin më." tha ai

Pas një bilanci të bërë nga drejtoria e staidumit rezulton se dëmi është 126 stola të dëmtuar nga të cilët 100 ishin në pjesën e tifozerisë së Tiranës. Ndërkohë tifozeria verdh e blu mban përgjegjësi për flakadanët dhe për dëmtimin e tabelave elektronike dhe të barit në fushë. 

Policia e Elbasanit ka nisur procedimin penal ndaj 6 tifozëve të përfshirë ditën e djeshme në dhunën në shkallët e stadiumit “Elbasan Arena”. Kështu janë proceduar penalisht tifozët Naim Xhepa, Agron Xhepa, Mustafa Skilja, Përparim Shermadhi, Adnand Miraku dhe Klevis Buzo.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

New York Times: Vuçiç 'sakrifikoi' kryeministrin që të fitojë kohë

New York Times: Vuçiç 'sakrifikoi' kryeministrin që të fitojë kohë

28 Janar, 22:32