TIRANE-Nga protesta e opozitës mesditën e sotme përveç kryeredaktorit të ‘RD’ mbetën të lënduar edhe tre protestues të tjerë dhe 11 efektivë policie. Report Tv sjell pamjet nga Spitali i Traumës në Tiranë ku efektivët morën ndihmën e parë dhe po ekzaminohen. Mes 11 efektivëve që janë të lënduar është edhe Shefi i Njësisë Operacionale Lorenc Shehu. Policët nuk kanë pranuar që të prononcohen, ndërsa drejtori Gjovalin Bushi në një prononcim për Report Tv është shprehur se po ekzaminohen.
Janë duke u ekzaminuar katër efektivë policie
Gjovalin Bushi
Ndërsa mjeku Arben Zenelaj u shpreh se;
Gjendja e policëve është e stabilizuar, nuk kanë probleme të rënda. Kanë dëmtime në gjoks dhe qafë, por u janë dhënë mjekimet e domosdoshme.
Arben Zenelaj
Policët kanë lëndime në kurriz, këmbë dhe pjesët e tjera të trupit nga shtyrja e protestuesve në momentet e tensionimit të situatës me simpatizantët e PD dhe LSI. Në spitalin e Traumës ishte i pranishëm edhe Lulzim Basha, që vizitoi kryeredaktorin e ‘RD’ por nuk u ndal për te policët, që u lënduan pikërisht nga shtyrja e rrjetës së hekurit nga protestuesit e opozitës, të ndihmuar edhe nga kryeredaktori Blendi Kasmi, në drejtim të kordonit të forcave të rendit te Ministria e Brendshme.
Policët e lënduar dhe kryeredaktorin e 'RD' i ka vizituar Drejtori i Policisë së Shtetit, Ardi Veliu.
Drejtori i Përgjithshëm i Policisë së Shtetit, Ardi Veliu vizitoi në spitalin e Traumës, 11 efektivët e Policisë së Shtetit dhe tre protestuesit e lënduar gjatë protestës.
Numri një i policisë tha se efektivët përballuan me profesionalizëm protestën. I pyetur për të lënduarit, Veliu tha se policia do shqyrtojë pamjet filmike nga protesta për të parë nëse ka shkelje nga policia apo protestuesit.
Falenderoj punonjësit e Policisë së Shtetit që treguan profesionalizëm dhe e menaxhuan me efikasitet. Bënë detyrën me integritet dhe ka siguruar si mbarëvatjen e tubimit ashtu edhe të gjithë asaj që ndodhi gjatë kësaj proteste.
Për kryeredaktorin e RD
I uroj shërim të shpejtë qytetarit. Dhe këtë le ta gjykojnë pamjet filmike dhe hetimet e mëtejshme që do saktësojnë nëse ka gabuar Policia e Shtetit apo ka gabuar qytetari.
Ardi Veliu, drejtor i Policisë së Shtetit
Komente
SHum i shqetesuar per gazetarin(krye redaktorin)e R.D se a doli nga spitali,qe u godit nga nje gure i ardhur nga demostruesit qe donin te godisnin policine goditen veten.
Përgjigjupo cpune kane keto protestuesit me policet ? keshtu do ta marri pushtetin luli ?
PërgjigjuJA SHPELAT TRUT POPULLIT TE MJERE ORE JU SHPELAFTE PANUKLLA. E BETE SITUATEN AQ DRAMATIKE ME KETA HOLLIVUDIAN SA PER PAK FILLUAN TE NDIZEN QIRINJ.
PërgjigjuShume interesante shqiperija PASKA gjithe keta police pse nuk ndalojne KULTIVIMIN dhe TRAFIKIMIN E DROGES!!!!!!!! PO MERREN ME PROTESTUESIT
PërgjigjuKeta protestues jane egersira duhet ti denohen i ka edukuar sala ne shpellat e vicidolit
Përgjigju