POP 5

Lajmet më të lexuara të 5 minutave të fundit

Politikë

Incidentet, nga blerja e votave
te përplasja e komisionerëve

Incidentet kanë qenë të izoluara dhe sporadike në ambientet jashtë QV-ve, ndërsa nuk mungojnë rastet e shitblerjes së votave dhe ofrimit të shumave financiare për komisionerët dhe vëzhguesit e partive politike. 
Qendrat e Votimit janë hapur në të gjithë vendin në orën 07:00.
 
Incidentet kanë qenë të izoluara në ambientet jashtë QV-ve, ndërsa nuk mungojnë rastet e shitblerjes së votave dhe ofrimit të shumave financiare për komisionerët dhe vëzhguesit e partive politike.

​Incidenti më i rëndësë është ai në Shëngjin ku disa persona u konfrontuan fizikisht jashtë Qendrës së Votimit ku për pasojë pati edhe të shtëna me armë zjarri. Një simpatizant i LSI-së mbeti i lënduar nga kjo ngjarje pasi u godit në kokë me tytën e pistoletës. 

Në Krujë është arrestuar një person i identifikuar si simpatizant i Partisë Demokratike, të cilit gjatë kontrolleve iu gjenë 4 milionë lekë gati për t’u shpërndarë te komisionerët dhe vëzhguesit e PD brenda QV-së.
 
Në Elbasan janë proceduar në gjendje të lirë tre persona për shitblerjen e votave. Ndërkohë që në Tiranë janë proceduar gjithashtu tre persona me akuzën e “korrupsionit aktiv në zgjedhje”.
 
T. H., 31 vjeç, E. Z., 28 vjeç dhe A. K., 22 vjeç premtonin zgjidhjen e problemeve të pronave për banorët në këmbim të votës. 
 
Ata janë kapur në flagrancë në automjetin tip Opel, brenda të cilit u gjetën lista e zgjedhësve për qendrat e votimit të këtij fshati si dhe gjithashtu u gjetën dhe u sekuestruan në cilësinë e provës materiale dokumente të ndryshme pronësie të banorëve të ndryshëm të këtyre qendrave të votimit.
 
Nga hetimet e kryera dyshohet se këta shtetas u kishin premtuar zgjidhjen e problemeve për këto pronësi banorëve të fshatit Çekrezë, në këmbim të votës për një subjekt të caktuar politik.
 
Materialet procedurale iu kaluan Prokurorisë pranë Gjykatës së Shkallës së parë Tiranë, për veprën penale “Korrupsion aktiv në zgjedhje” të parashikuar nga Neni 328/a dhe 25 i Kodit Penal.
 
Redaksia Online
l.q/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kosovë/ Minsistri Sveçla: Janë mbyllur institucione paralele serbe në 10 komuna

Kosovë/ Minsistri Sveçla: Janë mbyllur institucione paralele serbe në 10 komuna

15 Janar, 10:08