POP 5

Lajmet më të lexuara të 5 minutave të fundit

Kosova & Rajoni

Skandali me flamurin shqiptar në Maqedoni të Veriut, ambasadori Meidani: Po ndjekim situatën! Diplomacia nuk është një reality show

Ambasadori shqiptar në Maqedoninë e Veriut, Denion Meidani ka reaguar pas incidentit të rëndë, ku një polic hoqi flamurin shqiptar të vendosur për festat e nëntorit dhe e hodhi atë në tokë.

MAQEDONI E VERIUT- Ambasadori shqiptar në Maqedoninë e Veriut, Denion Meidani ka reaguar pas incidentit të rëndë, ku një polic hoqi flamurin shqiptar të vendosur për festat e nëntorit dhe e hodhi atë në tokë. Ambasadori shqiptar thotë se janë në kontakt të vazhdueshëm me institucionet dhe se po veprohet në përputhje me praktikën diplomatike.

Meidani në një postim në ‘Faecbook’ shkruan se “diplomacia nuk është një reality show”, ndërsa thekson se “qetësia dhe maturiteti mbeten udhërrëfyesit tanë”.

“Po ndjekim me vëmendje situatën, jemi në komunikim të vazhdueshëm me institucionet përkatëse, gjithë faktorin politik shqiptar dhe partnerët tanë. Ju siguroj që po veprojmë në përputhje me praktikën diplomatike.

Diplomacia nuk është një reality show, marrëdhëniet mes shteteve nuk ndërtohen mbi emocionet e individëve, çështjet shkojnë përtej asaj që duket. Qetësia dhe maturiteti mbeten udhërrëfyesit tanë”, shkruan ambasadori shqiptar në Maqedoninë e Veriut.

Prokuroria e Maqedonisë së Veriut nisi hetimet për incidentin në Kumanovë ku polici hoqi dhe hodhi në tokë flamujt shqiptarë që ishin vendosur për festat e nëntorit. Pas këtij akti Zv.ministri i Punëve të Brendshme Astrit Iseni njoftoi se do të nisë një procedurë disiplinore ndaj policit.

Për skandalin me flamurin shqiptar reaguan edhe partitë politike opozitare duke kërkuar dorëheqjen e ministrit të Brendshëm dhe dënimin e policit maqedonas.

Postimi i ambasadorit shqiptar në Maqedoninë e Veriut, Denion Meidani

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

Tragjedia në Maqedoninë e Veriut, viktimat janë të moshave 14-25 vjeç, diskotekës i mbaronte afati i licencës më 24 mars

Tragjedia në Maqedoninë e Veriut, viktimat janë të moshave 14-25 vjeç, diskotekës i mbaronte afati i licencës më 24 mars

16 Mars, 11:25