Finlanda kryeson sërish Raportin Botëror të Lumturisë për vitin 2024. Për të 7-in vit radhazi Finlanda renditet si vendi i parë më i lumtur në botë. Raporti mat mbështetjen sociale, të ardhurat, shëndetin, lirinë, bujarinë dhe mungesën e korrupsionit për të përcaktuar lumturinë kombëtare të një vendi.
Vendi ynë renditet në vendin e 87 sa i përket lumturisë, duke rënë 5 vende në krahasim me vitin 2023 kur ishte në vendin e 83-të të listës. Sa i takon grupmoshave, Shqipëria deri në moshën 30 vjeç ka një përmirësim duke kaluar në vendin e 66-të, krahasuar me një vit më parë ku renditej e 80-ta, ndërsa për moshat 60 vjeç e lart indeksi e liston vendin tonë të 100-in.
Ndërkohë, Kosova renditet në vendin e 29 për indeksin e lumturisë, rritje krahasuar me një vit më parë kur ishte renditur në vendin e 34. Për grupmoshën deri në moshën 30 vjeç Kosova është renditur në vendin e 23, ndërsa për të moshuarit 60 vjeç e lart renditet në vendin e 39.
Sa i takon vendeve të tjera të Ballkanit Perëndimor, Serbia renditet në vendin e 37-të, Bosnje Hercegovina në vendin e 65-të, Mali i Zi në vendin e 76, dhe Maqedonia e Veriut në vendin e 84. Greqia renditet në vendin e 58-të, Kroacia në vendin e 63 apo Italia në vendin e 42-të.
Vendet nordike kryesojnë listën si vendet më të lumtura. Sipas raportit, Norvegjia, Suedia, Gjermania, Franca, Mbretëria e Bashkuar dhe Spanja janë vende ku të moshuarit tani janë dukshëm më të lumtur se të rinjtë, ndërsa Portugalia dhe Greqia tregojnë modelin e kundërt.
Lumturia në mesin e të rinjve, të moshës 15-24 vjeç, gjithashtu ka rënë ndjeshëm në Amerikën e Veriut, ndërsa Evropa Qendrore dhe Lindore panë rritjet më të mëdha. Studiuesit zbuluan gjithashtu se ata që kanë lindur para vitit 1965 janë më të lumtur se ata të lindur pas vitit 1980. Në këtë kontekst, studiuesit argumentojnë se evropianët e rinj dhe amerikanët e veriut po kalojnë një fazë që i ngjan një “krize të moshës së mesme”.
Britania ra në renditje, e cila ishte në vendin e 20-të pas vendeve si Lituania ose Republika Çeke, si dhe SHBA-të, të cilat ranë 8 vende në krahasim me vitin 2023. Në vit më parë SHBA-të ishin në vendin e 15 ndërsa këtë vit në vendin e 23-të. Holanda (nr. 6), Luksemburgu (nr. 8), Zvicra (nr. 9) dhe Australia (nr. 10) mbyllin 10-shen e parë. Afganistani mbetet vendi më i ulët në botë për lumturinë. Në fund renditen edhe Libani, Lesoto, Sierra Leone dhe Kongo.
Raporti bazohet në të dhënat e sondazheve globale nga njerëz në më shumë se 140 vende, bazuar në përgjigjet dhe vlerësimet e qytetarëve të vendeve në lidhje me jetën e tyre dhe emocionet pozitive dhe negative që ata përjetojnë. Vendet renditen sipas lumturisë bazuar në vlerësimet mesatare të jetës së tyre gjatë tre viteve të mëparshme, në këtë rast 2021-2023.
1. Finlanda
2. Danimarka
3. Islanda
4. Suedia
5. Izraeli
6. Holanda
7. Norvegjia
8. Luksemburgu
9. Zvicra
10. Australi
11. Zelanda e Re
12. Kosta Rika
13. Kuvajti
14. Austri
15. Kanada
16. Belgjika
17. Irlanda
18. Çekia
19. Lituani
20. Mbretëria e Bashkuar
Renditja për vendet më të lumtura, Shqipëria në vendin e 87-të
Renditja për lumturinë për moshat nën 30 vjeç, Shqipëria në vendin e 66-të
Renditja për lumturinë për moshat mbi 60 vjeç, Shqipëria në vendin e 100
Lajme të tjera
-
Pse shqiptarët janë pak të lumtur? Sociologu: Ekonomia shkak, por jo domosdoshmërisht
20 Mars, 17:59
-
Lumturia si objektiv politik dhe pse nuk kanë të ardhme ata që e minojnë
27 Janar, 17:18
-
Në rini apo pleqëri? Ja në cilën moshë janë më të lumtur njerëzit në jetën e tyre
10 Tetor 2023, 14:25 -
Mos e ëndërroni lumturinë, thjesht punoni shumë për ta arritur
27 Gusht 2023, 22:57 -
Biden në Helsinki, pritet të takohet me udhëheqësit nordikë! Në fokus të bisedimeve pranimi i Finlandës në NATO
13 Korrik 2023, 11:43 -
Publikohen fotot që dyshohet se “sollën” ndarjen nga bashkëshorti të kryeministres finlandeze
13 Maj 2023, 13:07 -
Finlanda, vendi më i lumtur në botë ofron udhëtime falas për 10 njerëz me fat
26 Mars 2023, 13:21 -
Raporti i lumturisë/ Finlanda renditet në vend të parë për të gjashtin vit, Shqipëria lë pas Maqedoninë e Veriut dhe Turqinë
20 Mars 2023, 13:25 -
Turqia bllokon zgjerimin e NATO-s, qëndrimet e Erdogan shihen si gjë e mirë për Putin
5 Mars 2023, 11:47 -
Parlamenti hungarez debaton për pranimin e Finlandës dhe Suedisë në NATO
1 Mars 2023, 20:13 -
Pavarësisht kundërshtive të Turqisë, Stoltenberg: Jam i bindur se Suedia dhe Finlanda vitin tjetër anëtarësohen në NATO
26 Dhjetor 2022, 13:34 -
5 mësime të rëndësishme për ta bërë martesën tuaj të qëndrueshme, sipas çifteve që janë bashkë prej vitesh
5 Dhjetor 2022, 21:54
