POP 5

Lajmet më të lexuara të 5 minutave të fundit

Kronikë

Indeksi i TIA: Gjatë 2013, u rrit
korrupsioni, Shqipëria hapa pas

Organizata Transparency International rendit disa pikë më poshtë Shqipërinë dhe Kosovën përsa i përket perceptimit të korrupsionit, krahasuar me vitin e kaluar.
TIRANE - Shqipëria vijon të shënojë rekorde negative të nivelit të korrupsionit. Transperancy International ka publikuar sot raportin e Indeksit të perceptimit të korrupsionit për vitin 2013, ku vendi ynë ka shënuar regres, duke zbritur tre vende më poshtë se një vit më parë.

Sipas TIA korrupsioni në vendin tonë po shfaq një fizionomi të re nëpërmjet financimit të partive politike, pastrimit të parave kontrollit të sistemit të prokurimeve 

Në  listën prej 177 shtetesh, Shqipëria renditet në vend të 116 nga vendi i 113 që ishte një vit më parë. Kosova renditet në vendin e 111 nga vendi i 106 që zinte më parë.
 
Në këtë situatë Transpranecy International apelon për rritjen e përgjegjshmërisë së administratës publike, pavarësinë e institucioneve dhe hetimin e pakompromis të përgjegjësive të akteve korruptive. Transparency International është organizata botërore e shoqërisë civile që drejton luftën kundër korrupsionit.

" Shqipëria regjistrohet me perceptimin me negativ në Europë dhe e fundit në rajonin e Europës Juglindore duke u përfshirë kështu në krah me Nepalin dhe Vietnamin si dhe ka mbetur menjëherë pas Nigerise, Etiopise dhe Indonezisë. Duke u paraqitur me karakteristika të tilla sië janë sistemi i pastrimit të parave, financimi i partive dhe fushatave elektorale nga biznese te paligjshme , kapja e shtetit nëpërmjetë kontrollit të sistemeve të prokurimeve dhe privatizimeve, trafiqet e lëndëve narkotike dhe qënieve njerëzore, monopolit ekonomik të sektorit strategjik te ekonomisë. Paprekshmëria dhe imuniteti i krijuar i zyrtarve te lartë ndaj ligjit she sistemit të drejtësisë, moszbatimi i ligjit dhe mungesa e kulturës së ndëshkueshmërisë në vend"- tha Ines Hila, kordinatore e TIA.


Shqipëria është vendi më i korruptuar në të gjithë Ballkanin, duke ngelur edhe pas Kosovës.
Mali i Zi ka zënë pozitën e 67-të, duke rënë nga vendi i 75-të ku ishte radhitur vitin e kaluar. Përmirësime në krahasim me vitin e kaluar kanë shënuar edhe Kroacia me vendin e 57-të nga pozita numër 62, pastaj Serbia me vendin e 72-të nga 80, kurse Maqedonia është radhitur në vendin e 67-të, për dallim nga pozita e 69-të vitin e kaluar.

Rënie vërehet edhe përsa i përket rezultatit të arritur nga këto dy vende në perceptimin e korrupsionit. Shqipëria nga 33 pikë bie në 31 ndërsa Kosova nga 34 në 33 pikë. Dy vendet me rezultatin më të lartë janë Danimarka dhe Zvicra.

Në raportin e saj, organizata Transparency International thotë se treguesit e këtij viti janë një paralajmërim se shpërdorimi i pushtetit, allishverishet e fshehta dhe rryshfetet vazhdojnë t'u sjellin shkatërrime shoqërive kudo në botë.
 
Treguesi i perceptimit të korrupsionit bazohet mbi mendimet e ekspertëve lidhur me korrupsionin në sektorin publik. Treguesi i këtij viti rendit Danimarkën si vendi më pak i korruptuar dhe Somalinë në vend të fundit.

tia kosove
(Ne foto: Perceptimi i korrupsionit 2013, dhe renditja e Shqiperise sipas TIA )
tia kosove
(Ne foto: Perceptimi i korrupsionit 2013, dhe renditja e Kosovës sipas TIA ) 

Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46