NJU DELHI- Rreth 21 persona kanë humbur jetën sot si pasojë e mbytjes së një anijeje që transportonte turistë në juglindje të Indisë, rapostojnë burime zyrtare vendase.
 
Anija u mbyt pranë brigjeve të ishujve Andaman dhe Nicobar, në Gjirin e Bengalit.

Në anije ndodheshin 43 persona , ndër të cilët edhe shumë turistë, ndërkohë që lundronte pranë brigjeve të Port Blair, kryeqyteti i arkipelagut.

Disa persona arritën të shpëtonin, ndërsa vazhdojnë kërkimet për të gjetur të mbijetuar të mundshëm, shkruan AFP. 

Redaksia online
(esh/shqiptarja.com)