POP 5

Lajmet më të lexuara të 5 minutave të fundit

Politikë

Lajme nga emisionet

Indrit Hoxha në Report Tv: Basha të japë dorëheqjen e të përballet me votën, të futen në garën për kryetarin e ri

Pas zgjedhjeve të 6 marsit, ku PD doli forcë e tretë në vend, Lulzim Basha po përballet me demokratët të cilët po i kërkojnë dorëheqjen. Anëtari i ‘Foltores’, Indrit Hoxha tha në Report Tv se Basha duhet të japë dorëheqjen dhe të futet zgjedhjet për kreun e ri të partisë.

TIRANË- Pas zgjedhjeve të 6 marsit, ku PD doli forcë e tretë në vend, Lulzim Basha po përballet me demokratët të cilët po i kërkojnë dorëheqjen. Anëtari i ‘Foltores’, Indrit Hoxha tha në Report Tv se Basha duhet të japë dorëheqjen dhe të futet zgjedhjet për kreun e ri të partisë.

Në ‘Studio Live’ me gazetarët Arbër Hitaj dhe Migena Sotiri, Hoxha thotë se kushti i vetëm i Komisionit të Rithemelimit për të zgjidhur krizën në PD, është vota dhe se Basha duhet të tregohet i gatshëm të përballet me votimin.

“Nuk mund të jetë një fitore as për ne, por duke marrë parasysh kushtet sesi Berisha u fut në këto zgjedhje. Në një hark kohor prej 5 muajsh, një ambasadë amerikane që bënte fushatë kundër foltores, lëvizje pa struktura, pa seli, pa fonde, me logo të konfiskuar. Arriti të rikonfirmojë vetëm si një forcë e dytë opozitare. Sigla e PD, një forcë me një histori 32 vjeçare doli forcë e tretë me 6 përqind. Synimi ynë është ringritja e PD-së dhe bashkimi vjen vetëm nëpërmjet votës. Të kandidojë cilido, edhe zoti Basha ka të drejtë të kandidojë. Po Berisha duhet të jetë pjesë  e garës? Padyshim që po”, u shpreh Hoxha në Report Tv.

Ndalur në ‘përçarjen’ e Grupit Parlamentar të PD-së, Hoxha thotë se ata pavarësisht ‘përplasjes’ mes Berishës dhe Bashës, grupi duhet të jetë i unifikuar pasi qytetarët i kanë votuar për t’i përfaqësuar në Kuvend.

“Grupi parlamentar nuk duhet të përfshihet me përplasjet. Duhet të jetë i unifikuar, demokratët i kanë votuar t’i përfaqësojnë në parlament. Nuk e di në çfarë fazash janë negociatat. Kushti i Komisionit të rithemelimit, është vota, asnjë lloj gjëje tjetër”, tha Hoxha.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29