Evropa përfundoi një vit të vështirë me një farë lehtësimi të nivelit të inflacionit. Por ndërsa kostoja e jetesës mbetet ende jashtëzakonisht e lartë, ngadalësimi është një tregues se më e keqja mund të ketë kaluar për konsumatorët e lodhur.
Indeksi i çmimeve të konsumit për 19 vendet që përdorën monedhën euro u rrit 9.2% në dhjetor krahasuar me një vit më parë, ritmi më i ngadaltë që nga gushti, tha të premten agjencia e statistikave të Bashkimit Evropian, Eurostat. Kroacia iu bashkua eurozonës më 1 janar.
Ishte rënia e dytë radhazi e inflacionit që nga qershori i vitit 2021. Në nëntor, norma u ul në 10.1% pasi arriti kulmin me një rekord prej 10.6% në tetor.
Familjet dhe bizneset në mbarë Evropën janë rrënuar nga rritja e kostove të energjisë që kur Rusia nisi luftën e saj në Ukrainë në shkurt, e cila tronditi tregjet e naftës dhe gazit natyror dhe ka qenë nxitësi kryesor i inflacionit.
Shifrat e fundit tregojnë se kriza energjetike mund të jetë duke u zbutur tani për tani. Rritja e çmimit të energjisë u ngadalësua në 25.7%, nga 34.9% në nëntor dhe 41.5% në tetor.
Çmimet e gazit natyror kanë rënë nga nivelet më të larta të të gjitha kohërave këtë verë pasi Evropa ka mbushur kryesisht depon e saj për dimër me furnizime nga vende të tjera, ndërsa moti më i ngrohtë se zakonisht ka lehtësuar frikën për mungesa të energjisë gjatë sezonit të dimrit.
Rritja e çmimeve të ushqimeve, faktori tjetër që ka nxitur inflacionin evropian, mbeti pothuajse i pandryshuar. Çmimet e ushqimeve, alkoolit dhe duhanit u rritën me një ritëm vjetor prej 13.8% në dhjetor, pak më i lartë se një muaj më parë.
Inflacioni gjithashtu është përkeqësuar nga pengesat në furnizimet e lëndëve të para në mes të rimëkëmbjes së kërkesës globale të konsumatorëve pas përfundimit të kufizimeve të pandemisë COVID-19.
Kostot në rritje për energjinë dhe ushqimin kanë kërcënuar një recesion dhe kanë ushqyer trazirat pasi pagat nuk arrijnë të përballojnë ritmin e rritjes së çmimeve. Në të gjithë Evropën, personeli i metrove, punonjësit e spitaleve, shoferët e trenave, punonjësit e postës dhe kontrollorët e trafikut ajror kanë hyrë në grevë, duke kërcënuar trazira politike.
Një tregues se kostot e energjisë mbeten një shqetësim për udhëheqësit politikë, presidenti francez Emmanuel Macron të enjten u kërkoi furnizuesve të energjisë që të rinegociojnë ato që ai i quajti "kontrata abuzive" me bizneset e vogla për të siguruar rritje "të arsyeshme" të çmimeve.
Muajin e kaluar, Banka Qendrore Evropiane ngriti normën e saj bazë me gjysmë pike, duke ngadalësuar ritmin e saj rekord të rritjes së normave të interesit. Kjo praktikë përputhet me veprimet e ndërmarra nga homologët në SHBA, Mbretërinë e Bashkuar dhe gjetkë./VOA
Lajme të tjera
-
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
E akuzon për spiunazh, Rusia dëbon diplomatin britanik
26 Nëntor, 15:33 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
