POP 5

Lajmet më të lexuara të 5 minutave të fundit

Informaliteti i lartë, 368 miliardë lekë jashtë sistemit bankar! Qeveria: Duhet digjitalizim! Bankat: Limit pagesave nën dorë

Paraja jashtë bankave vlerësohet si nxitës kryesor i informalitetin në ekonomi. Shoqata e Bankave kërkon nga qeveria të bëjë ndryshime ligjore dhe të kufizojë përdorimin e parave në dorë për të bërë pagesa nga qytetarët, ndërsa qeveria nga ana tjetër kërkon më shumë investim në digjitalizim.

Deri në fund të prillit jashtë sistemit bankar qarkullonin 368.3 miliardë lekë dhe përdorimi i parasë cash mbetet pengesë e madhe për uljen e informalitetit në  vend. Shoqata e Bankave kërkon nga qeveria  të bëjë ndryshime ligjore për kufizimin e përdorimit të cash në shlyerjet e pagesave nga qytetarët.

“Pse nuk ka një tavan për blerjet me para fizike. Greqia lejon paranë fizike deri ne 500 euro”, pohoi Bledar Shella.

“Mund të vlerësojmë uljen e tavanit për pagesat në cash, por duke e studiuar. Tavani aktual është 150 mijë lekë”, tha Delina Ibrahimaj.

Në forumin “Digjitalizimi Kundrejt parasë fizike”, u vu theksi tek rëndësia që ka ulja e përdorimit të parasë cash në ekonomi.

“Reduktimi i cash, ul korrupsionin nxit rritjen ekonomike dhe ul varfërinë”, tha Ibrahimaj.

“Nxitja e pagesave elektronike sjellin formalizim të ekonomisë”, shprehet Sejko.

Por në takim nuk munguan kritikat e qeverisë për zhvillimin digjital në sistemin bankar.

“95% e shërbimeve ofrohen online, edhe ne sektorin bankar shume pune është bere. Cila është arsyeja qe bankat qe kane mendje dhe burime, nuk ka arriti përpara qeverise një dokument për harmonizimin e instrumenteve publik dhe privat. Shërbime e commerce janë larg rajonit”, tha Ahmetaj.

Fiskalizimi u vlerësua nga palët si reforma që do të reduktojnë më shpejt përdorimin e cash në ekonomi dhe për pasojë do të ulë informalitetin.

Ndërkohë aktualisht qeveria ka ngritur një grup pune me prani të bankave në mënyrë që pagesat për shërbimet të bëhet në e Albania.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Meloni: Gjykata e Kasacionit na dha të drejtë, qendrat e emigrantëve në Shqipëri janë gati

Meloni: Gjykata e Kasacionit na dha të drejtë, qendrat e emigrantëve në Shqipëri janë gati

9 Janar, 13:27