Inspektori i Përgjithshëm i Departamentit të Sigurisë Kombëtare bëri të ditur të mërkurën se ka hapur një hetim ndaj Shërbimit Sekret mbi mënyrën se si e ka trajtuar çështjen e sigurisë për ish-presidentin Donald Trump, në ditën e atentatit kundër tij, gjatë një tubimi në Pensilvani.
Në një njoftim të shkurtër, të postuar në faqen e internetit, zyra e Inspektorit tha se po kërkohet të "vlerësohen procedurat e ndërmarra nga Shërbimi Sekret për të garantuar sigurinë gjatë aktivitetit në kuadër të fushatës, të ish-presidentit Trump, më 13 korrik të vitit 2024".
Agjencia nuk dha asnjë detaj se kur kishte nisur hetimi. Njoftimi ishte mes një listë të gjatë me çështje në vazhdim, që po ndiqen nga zyra e inspektorit të përgjithshëm të Departamentit të Sigurisë Kombëtare.
Ndërkohë presidenti Joe Biden kishte kërkuar një hetim të pavarur të procedurave për garantimin e sigurisë gjatë tubimit për zotin Trump.
Sulmi me armë ka ngritur shumë pikëpyetje rreth asaj se si personi i dyshuar, 20 vjeçari Thomas Matthew Crooks, kishte arritur të ngjitej në çatinë e një godine që kishte fushëpamje të qartë të vendit ku po fliste ish-presidenti dhe që ndodhej 135 metra larg.
Ish-presidenti u plagos në veshin e djathtë. Një pjesëmarrës në tubim u vra dhe dy të tjerë u plagosën rëndë.
Crooks u vra nga snajperat e Shërbimit Sekret.
Dështimi në masat e sigurisë, ndodhi pavarësisht një kërcënimi ndaj jetës së zotit Trump nga Irani, që kishte çuar në rritjen e sigurisë për ish-presidentin në ditët para tubimit të së shtunës.
Drejtoresha e Shërbimit Sekret Kim Cheatle tha se agjencia e kupton rëndësinë e rishikimit të urdhëruar nga Presidenti Biden. Ajo tha se do të bashkëpunojë me hetimet si dhe do të marrë pjesë në seancat e thirrura nga Kongresi për të hetuar çështjen.
Ajo tha se agjencia po punonte për të kuptuar se si ndodhi sulmi i së shtunës dhe për t'u siguruar që diçka e tillë, të mos përsëritej më kurrë.
Agjencia që ka një personel prej rreth 7,800 personash është përgjegjëse për mbrojtjen e presidentëve, nënpresidentëve dhe familjarëve të tyre, si dhe ish-presidentëve, bashkëshortëve dhe fëmijëve të tyre, nën moshën 16 vjeç.
Po kështu Shërbimi Sekret ofron siguri edhe për disa zyrtarë të tjerë të nivelit të lartë të kabinetit qeverisës, si sekretari i Sigurisë Kombëtare.VOA
Lajme të tjera
-
Frrok Çupi: Sikur Trump të kishte vrarë Thomas Crooks-in
17 Korrik, 13:23
-
Atentati ndaj ish-presidentit, a do të ndryshojë trajektorja e garës presidenciale?
17 Korrik, 09:02 -
CNN: Javët e fundit alarm për një komplot iranian për të vrarë Trump
16 Korrik, 21:46 -
Atentati ndaj Trump, eksperti i sigurisë kombëtare për Report Tv: U qëllua nga 120 m largësi, autori i njihte mirë armët! Nuk u ndërhy në kohë
16 Korrik, 19:11 -
Biden mbron retorikën e tij kundër Trumpit
16 Korrik, 09:14 -
Trump shfaqet me veshin e fashuar në Kongresin e Republikanëve, turma e pret me brohori! Biden e sfidon me një debat të ri
16 Korrik, 07:44 -
Presidenti Biden do të marrë emërimin e partisë përmes një votimi virtual përpara kuvendit
16 Korrik, 07:30 -
Shërbimi Sekret rrit masat e sigurisë pas sulmit ndaj Trumpit
15 Korrik, 21:59 -
Pas atentatit, Donald Trump zgjedh kandidatin për zëvendëspresident të SHBA-ve
15 Korrik, 21:36 -
'Dështoi eliminimi i Trump, por jo atentati, eksperti në '5 Pyetjet': Shërbimet e sigurisë ceduan! Evakuimi ishte shumë i ngadaltë
15 Korrik, 21:34 -
Atentati ndaj Trump, ish ambasadori Nesho: Ishte ashpërsuar gjuha mes tij e Biden! Tashmë politika amerikane nga dhuna kalon tek konsensusi
15 Korrik, 18:03 -
Qëndrimi i ish-Presidentit Trump pas atentatit, mobilizon përkrahësit e tij
15 Korrik, 15:41
