POP 5

Lajmet më të lexuara të 5 minutave të fundit

Ekonomi

INSTAT: Çmimet e ushqimeve dhe qirave rrisin inflacionin

Rritja e çmimit të ushqimeve dhe të qirave të apartamenteve ka ndikuar në rritjen e inflacionit gjatë muajit janar 2020. Sipas Institutit të Statistikave, inflacioni arriti në 1.5%, nga 1.1% në dhjetor, duke mbetur ende shumë poshtë objektivit të Bankës së Shqipërisë, që synon një inflacion 3%. Shkak për këtë nivel të ulët të tij është bërë kryesisht konsumi i ulët.

Rritet minimalisht inflacioni në muajin e parë të këtij viti, krahasuar me muajin dhjetor. Sipas të dhënave të INSTAT-it, në janar indeksi i çmimeve të konsumit u rrit 1.5%. Kjo rritje ishte 1.1% në muajin dhjetor.

Ndikim për këtë muaj ka dhënë kryesisht grupi i ushqimeve dhe grupi i qirave. Referuar statistikave, rritja e çmimeve tek ushqimet dhe pijet joalkoolike ka qenë 0.92% dhe çmimet e qirave 0.31%. Ndërkohë që, krahasuar me muajin dhjetor, rritja e çmimeve ka qenë shumë më e ndjeshme, përkatësisht 4.4 dhe 1.3%, duke dhënë kështu edhe kontributin më të madh në rritjen e inflacionit.

Gjithsesi, inflacioni mbetet shumë larg objektivit të Bankës së Shqipërisë që është nga 2 deri në 4 për qind, me një mesatare 3%. Po ashtu, ky nivel është edhe më i ulët se në janar të 2019-ës, kur inflacioni ishte 1.9%. Viti që lamë pas, bazuar në të dhënat e INSTAT-it, është mbyllur me inflacion në nivelin e 1.1%.

Grupi i veshjeve e këpucëve dhe ai shëndet e komunikim kanë shënuar ulje të çmimeve. Inflacioni i ulët është një sinjal, që, sipas ekspertëve, flet për konsum të dobët. Sikurse deklaroi dhe guvernatori Gent Sejko pak ditë më parë, këtu ka ndikuar edhe tërmeti i 26 nëntorit, që solli dhe rënie të ndjeshme të konsumit në qytetet ku qarkullimi i mallrave është më i lartë. Po ashtu, sipas Bankës së Shqipërisë në rënien e këtij treguesi ndikon rritja e ulët e pagave.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49