TIRANE - INSTATI dhe Ministria e Transporteve do të kenë tashmë edhe dy borde të reja. Sipas vendimit të qeverisë të datës 27 qershor 2013, vendim i cili është publikuar edhe në fletoren zyrtare, ata do të fillojnë funksionimin menjëherë. “Në emërtesën e bordit/këshillit/komisionit, në funksion të Ministrisë së Punëve publike dhe Transportit, shtohet “Bordi i Menaxhimit të Autoritetit Rrugor Shqiptar”.

Ky bord përbëhet nga 1 kryetar dhe 6 anëtarë me të drejtë pagese për katësisht në masën 10.000 lekë për kryetarin dhe në masën 8.000 lekë për anëtarët, për çdo pjesëmarrje në mbledhje, por jo më shumë se 6 pagesa në një vit buxhetor. Në emërtesën e bordit/këshillit/ komisionit, në funksion të Institutit të Statistikave, shtohet “Komisioni Kombëtar për Nomenklaturën”.

Ky bord përbëhet nga 1 kryetar dhe 18 anëtarë me të drejtë pagese për katësisht në masën 10.000 lekë për kryetarin dhe në masën 8.000 lekë për anëtarët, për çdo pjesëmarrje në mbledhje, por jo më shumë se 3 pagesa në një vit buxhetor”, - thuhet në vendimin e publikuar në Fletoren Zyrtare.

Shkrimi u botua sot në gazetën Shqiptarja.com (print) 24.07.2013
 
Redaksia Online
(b.m/shqiptarja.com)