Sipas INSTAT pagat mesatare në shtet janë 60500 lekë, kjo është rritja më e madhe që nga 2014. Tremujori i dytë i vitit 2017, ka shënuar rritjen më të madhe të pagës, që nga viti 2014. Sipas të dhënave të publikuara nga Instituti i Statistikave, paga mesatare në administratë shkoi në 60 mijë e 500 lekë.

Hovin më të madh kjo rritje e mori nga tremujori i parë i vitit , në tremujorin e dytë ku rritja ishte 7 për qind. Po sipas të dhënave të INSTAT, edhe paga. Rritja neto ishte 4 mijë lekë dhe erdhi si rrjedhojë e vendimit për rritjen e pagave në sektorin publik pak para zgjedhjeve të qershorit 2017.

Ndërkohë, paga minimale mësoi një rritje prej 2 mijë lekësh në krahasim me tremujorin e parë, duke u rritur në masën 24 mijë lekë. Madje të indeksuara me inflacionin ata shënuan për herë të parë rënie vitin e kaluar. Pas një periudhe të gjatë stanjacioni, qeveria vendosi vitin e kaluar të rifillojë stimulin për administratën publike, ku përfituesit më të mëdhenj ishin punonjësit e arsimit dhe te shëndetësisë.

Paga mesatare mujore bruto për një të punësuar me pagë në sektorin shtetëror (buxhetor) gjatë vitit 2013 ishte 52.150 lekë. Po sipas monitor, nga të dhënat e fundit fiskale të azhurnuara nga Banka Botërore, Shqipëria në raport me PBB ka shpenzime mjaft të ulëta për mbrojtjen sociale (pensione, pagesë papunësisë dhe asistence sociale) dhe për pagat e punonjëseve publikë.

Nivelin më të lartë të shpenzimeve buxhetore për paga dhe pensione në rajon e ka Maqedonia me rreth 46% të totalit të shpenzimeve, ku rreth 12% shkojnë për pagesat e punonjësve në administratën publike dhe rreth 13% e PBB shkojnë për paga dhe pensione, pjesa tjetër më shumë se 10% shkojnë për shpenzimeve kapitale.

Më 2016, niveli i pagës mesatare bruto shënoi ulje vjetore me 2.1%, pas një rritje që kishte pësuar më 2015. Po sipas INSTAT në vitin 2016, edhe pse numri i të punësuarve ka shënuar rritje paga mesatare në ekonomi ka rënë. Paga mesatare mujore bruto ishte 45.845 lekë më 2016 në raport me 46.830 lekë që ishte më 2015.

Redaksia Online
Xh.F/Shqiptarja.com