POP 5

Lajmet më të lexuara të 5 minutave të fundit

Ekonomi

INSTAT: Prodhimi neto i energjisë
elektrike u rrit me 24,1% në 2015 

Prodhimi neto vendas i energjisë elektrike gjatë vitit 2015 është rritur me 24.1%, krahasuar me një vit më parë, referuar të dhënave të fundit të INSAT.
Prodhimi neto vendas i energjisë elektrike gjatë vitit 2015 është rritur me 24.1%, krahasuar me një vit më parë, referuar të dhënave të fundit të INSTAT.

Gjatë vitit të shkuar, prodhimi neto vendas ishte 5.866 GWh, ndërsa dy vjet më parë ishte 4.726 GWh, thuhet në raportin e Institutitut të Statistikave, publikuar sot.

“Rritja e prodhimit të energjisë elektrike në vitin 2015 ka ndikuar në rënien e importeve dhe rritjen e eksporteve, krahasuar me 2014. Gjatë vitit 2015, vendi rezulton të jetë importues neto i energjisë elektrike”, thuhet në raport.

Importi bruto i energjisë elektrike në 2015-ën, rezultoi me rënie prej 29,8 përqind duke arritur vlerën 2.355 GWh, nga 3.356 GWh që ishte në vitin 2014. Ndërsa, eksporti bruto i energjisë elektrike në vitin 2015, rezultoi me rritje mbi 2 herë (231,4 përqind), duke arritur 956 GWh në vitin 2015, nga 288 GWh që përbënte në vitin e kaluar.

Ndërsa, humbjet në rrjet gjatë vitit 2015 kanë rënë me 21,1 përqind, krahasuar me 2014-ën, ku ndikim në këtë rënie kanë patur uljet e humbjeve në shpërndarje të cilat përbëjnë 92,8 përqind të humbjeve gjithsej në rrjet. Në shifra konkrete, humbjet gjatë 2015-ës u shënuan 2.196 GWh nga 2.783 GWh që ishin dy vite më parë. Reduktimi i humbjeve ka qenë dhe vijon të jetë një nga polikat kryesore të OSHEE-së dhe Ministrisë së Energjisë.

Ndërkohë, përdorimi i energjisë elektrike nga konsumatorët në 2015-ën është 5.069 GWh nga 5.011 GWh që ishte në 2014-ën. Gjatë kësaj periudhe, ky tregues ka shënuar rritje 1,2 përqind krahasuar me vitin e kaluar. Në 2015-ën, konsumi i energjisë elektrike nga familjarët u rrit me 0,8 përqind dhe për jo familjarët u rrit me 1,5 përqind, krahasuar me vitin 2014.

Prodhimi neto vendas llogaritet si shumë e sasisë bruto të energjisë elektrike të prodhuar nga të gjithë prodhuesit në vend si prodhimi i hidrocentraleve, termocentraleve dhe prodhuesit e tjerë duke zbritur konsumin dhe humbjet vetjake në prodhim, ndërsa humbjet dhe konsumi vetjak i referohet energjisë elektrike të përdorur nga veprimtaritë ndihmëse të stacionit të energjisë të lidhura direkt me prodhimin si psh. ftohje e ujit, shërbimet e stacionit të energjisë, ngrohje, ndriçim, etj, saktëson INSTAT.

Redaksia Online
(m.b/shqiptarja.com)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01