Viti 2025 i ngurtësoi edhe më shumë shpenzimet. Historia e mosrealizimit të shpenzimeve u përkeqësua gjatë këtij viti, pasi në asnjë muaj nuk u realizua planifikimi i bërë nga Ministria e Financave, ndërkohë që volumi më i madh i shpenzimeve është lënë për në dhjetor.
Shifrat e Ministrisë tregojnë se në 11 muaj institucionet shpenzuan në total 638.6 miliardë lekë nga 703.3 miliardë lekë që ishte plani për këtë periudhë. Ndërsa për gjithë vitin 2025 shpenzimet duhet të arrijnë në vlerën 831.7 miliardë lekë, pra vetëm në dhjetor duhen harxhuar 193.1 miliardë lekë ose gati 2 miliardë euro.
Siç ndodhi edhe vjet, ecuria e dobët e shpenzimeve për investime është bërë shkak për mosrealizimin e planit. Rreth 34.8% e investimeve të planifikuara për vitin 2025 nuk janë realizuar deri në fund të muajit nëntor. Shifrat e Ministrisë së Financave tregojnë se në 11 muaj shpenzimet kapitale arritën në 76.6 miliardë lekë, ose vetëm 65.2% e planit vjetor.
Ministria e Financave ka deklaruar më herët se shkak për këtë ecuri të dobët të investimeve, janë bërë vonesat në procedurat tenderuese, dhe ecuria e projekteve me financim të huaj.
Edhe pse viti 2025 duhet të mbyllet me deficit prej 61.6 miliardë lekë (shpenzime më shumë se të ardhura), shifrat e 11-mujorit tregojnë se aktualisht jemi me suficit prej 49.1 miliardë lekë (491 mln euro), pra më shumë para janë mbledhur sesa janë shpenzuar.
Për periudhën janar-nëntor janë mbledhur në total 687.7 miliardë lekë në rritje krahasuar me vjet edhe pse plani 11 mujor nuk është realizuar. Kontributin më të madh në rritjen e të ardhurave vijon ta mbajë tatimi mbi të ardhurat personale, që për periudhën 11 mujore arritën në 75.9 miliardë lekë pse 26.2% më shumë se vjet. Ministria e Financave thotë se ndikim në rritjen e tatimit mbi paga po jep lufta ndaj nëndeklarimit.
Rritjen e dytë më të madhe e ka pasur TVSH-ja me 16.3% më shumë se 11-muajit e 2024-ës, dhe në total u mblodhën 63.6 miliardë lekë. Kurse të hyrat doganore janë më të reduktuara për shkak edhe të zhvlerësimit të valutave.
Komente
Lajme të tjera
-
Ndryshojnë rregullat e zhdoganimit: ja sa do të vlerësohen makinat që futen në Shqipëri
25 Dhjetor, 15:02 -
Strategjia/ Shqipëria do të dalë 3 herë në tregjet ndërkombëtare deri në 2030! Eurobondi i parë në 2027-ën për të shlyer borxhet e vjetra
21 Dhjetor, 18:33
-
A duhet të marrë pagë kryebashkiaku Veliaj? Anuela Ristani pyet KQZ-në, ‘Financat’ dhe ‘Drejtësinë’
15 Dhjetor, 15:22 -
Gjysma e qarqeve kanë të ardhura për frymë më pak se 50% e Tiranës, kryeson Kukësi dhe Dibra
11 Dhjetor, 07:38 -
SKEDA/ Nga falja e mbi 1 mld euro detyrime tek marrëveshja për tatimin mbi fitimin, si do të funksionojë paketa e paqes fiskale?
11 Dhjetor, 07:22 -
'Ekonomia' miraton pr.buxhetin 2026, kalon vetëm me votat e PS! Rrëzohen 60 amendime, të enjten votohet në seancë
9 Dhjetor, 16:45
-
Inteligjenca Artificiale zëvendëson redaktorët e Kuvendit, do të zbardhë debatet në seancat plenare dhe komisione
8 Dhjetor, 14:40
-
Zgjerohet gama e përfituesve nga fshirja e borxheve por ministria ‘kyç’ listën e përfituesve: Janë të dhëna sensitive! Deputetët: Kujt po ja bëjmë këtë nder?
3 Dhjetor, 18:07
-
Reforma për taksën e pronës, Malaj: Bashkitë, investim! Në 2026, do jenë në sistemin e Kadastrës fiskale
3 Dhjetor, 12:49 -
'Paradoksi', më të pasur por edhe më borxhlinj në 2026-n! Të ardhurat për frymë rriten me 639 €, ndërsa borxhi publik shkon 15.1 mld € (6.314 euro për person)
29 Nëntor, 15:31
-
Në dhjetor rishikohet për herë të 4-ët buxheti i shtetit 2025! Qeveria vendos nëse do të japë shpërblim për familjet në ndihmë ekonomike
27 Nëntor, 12:42
-
Brenda 2 muajsh institucionet duhet të shpenzojnë 2.5 mld €, në 10 muaj nuk u realizuan as të ardhurat e as shpenzimet
21 Nëntor, 17:37
Nuk jane te paafta jo, po nuk ua ka mbajtur bytha nga SPAK se kane qene projekte "vjedhje". Kush te doje le te vazhdoje. Pushka top SPAK
Përgjigju