Komisioni i jashtëm i PE miraton amendimet e PPE: Ndjekje penale për shitblerjen e votës (Rezoluta pa ndikim në vendim e BE për mbajtjen e Konferencë Ndërqeveritare)

Komisioni i Jashtëm i Parlamentit Europian ka miratuar amendamentet e raportit të Partive të Djathta Europiane për Shqipërinë. Raporti është përpiluar nga reporterja Isabel Santos dhe iu nënshtrua amendameteve që u bënë nga David Lega i PPE dhe kolege te tjerë. Duhet theksuar se këto amendamente erdhen nga PPE, simotra e PD, si dhe nuk do të ketë asnjë ndikim në vendim e vendeve anëtare të BE në lidhje mbajtjen e konferencës së parë ndërqeveritare për integrimin e vendit.

Në raport thuhet se zgjedhjet e 25 prillit janë thelbësore për rrugën e Shqipërisë drejt Bashkimit Europian, PE kërkon të dënohet shitblerja e votës, ndërsa theksohet se ndryshimet në reformën zgjedhore duhen zbatuar sipas rekomandimeve të OSBE. Këto amendamente theksojnë se ndryshimet në reformën zgjedhore u miratuan në përputhje me rekomandimet e OSBE.

“Thekson se zgjedhjet e përgjithshme të 25 prillit 2021 do të jenë thelbësore për konsolidimin e strukturave demokratike të vendit dhe arritjen e një niveli më të lartë të stabilitetit politik, Zgjedhjet e lira dhe të ndershme janë thelbësore për integrimin në BE. Pretendimet për blerjen e votës duhet të ndiqen penalisht. Mirëpret rezultatin pozitiv të marrëveshjes së 5 qershorit 2020, i cili zbatoi disa nga rekomandimet e OSBE/ODIHR, por vë në dukje dështimin për t’u mbështetur më tej në të dhe faktin se pavarësisht thirrjeve të përsëritura ndërkombëtare për të pritur opinionin e Komisionit të Venecias, hapat e mëtejshëm u morën pa një konsensus të gjerë ndërpartiak që rezulton në miratimin e ndryshimeve të diskutueshme të Kodit Zgjedhor në tetor 2020 nga Parlamenti Shqiptar. Shpreh shqetësimin për akuzat e blerjes së votës dhe thekson se ndjekja penale për këtë çështje është ndër kushtet e vendosura nga Këshilli në 25 Mars 2020”, thuhet në amendimet e PPE.

LEXO EDHE:
Ambasadori i BE-së takon Holta Zaçajn: Gjykata Kushtetuese, institucion kyç për demokracinë në Shqipëri

Një nga pikat që përmendet në amendament është edhe lufta kundër korrupsionit, ndërsa mirëpret hapat drejt funksionaliteti të Gjykatës së Lartë.

"Theksojmë nevojën që Shqipëria ka për të luftuar kundër korrupsionit në të gjitha nivelet dhe vëren me shqetësim se pretendimet për korrupsion vazhdojnë të minojnë besimi i publikut tek qeveria dhe institucionet demokratike në përgjithësi. Mirëpret krijimin e organeve anti-korrupsion dhe vëren progresin e arritur në legjislacioni anti-korrupsion; si dhe vlerëson hetimet e thelluara nga SPAK dhe GJKKO. Theksojmë nevojën për të ruajtur pavarësinë e tyre dhe efektiviteti në mënyrë që të luftohet në mënyrë efektive korrupsioni dhe krimi i organizuar", thuhet në amendament e PPE.

Gjithashtu mirëpritet pjesëmarrja e Shqipërisë në iniciativën mini-Shengen, si një mjet për të përmirësuar marrëdhëniet ndërfqinjësore duke siguruar mundësi të reja për qytetarët shqiptarë edhe për biznes.

"Mirëpret pjesëmarrjen e Shqipërisë në iniciativën mini-Shengen si një mjet për të përmirësuar marrëdhëniet fqinjësore dhe për të siguruar mundësi të reja për qytetarët dhe biznesin", thuhet në dokument.

Në këto propozime vlerësohet edhe bashkëpunimi i BE me Ballkanin Perëndimor për përballimin e sfidave të përbashkëta si pandemia.

"Ndërsa pandemia e vazhdueshme ka demonstruar qartë se BE dhe Ballkani Perëndimor duhet të vazhdojë të trajtojë së bashku sfidat e përbashkëta", thuhet ne raport.

( Kliko këtu ) Dokumenti i plotë

 

Rendit zhvillimet sipas orarit:

Të Fundit Të Parat

TAG:
• BE
• shqiperia
• integrimi ne be