Interi rikthehet tek fitorja pas barazimit 1-1 në javën e 12-të me Torinon në shtëpi. Zikaltrit fituan në “San Siro” me rezultatin e pastër 2-0 ndaj Atalantas ku luan edhe gardiani i portës së kombëtares tonë, Etrit Berisha.

Pjesa e parë u mbyll me rrjeta të paprekura, me lojë të barabartë ndërsa vlen të përmenden dy pritje vendimtare të Berishës përballë kapitenit, Mauro Icardi.

Por në të dytën Berisha do jetë i pafuqishëm të shpëtojë Atalantan nga pësimi i golit, ku në minutën e 51, Icardi lirohet nga mbrojtesit në një goditje këndi dhe nga afër portës nuk gabon e shënon.
inter

Vetëm 9 minuta më vonë, Icardi do shfrytëzojë një kros të bukur nga Dambrosio duke e devijuar topin në shtyllën e majtë të Berishës, i pakapshëm topi për portierin gjakovar, i cili qendron i palëvizur.

Me këtë fitore Inter shkon në kuotën e 33 pikëve, 2 më pak se Napoli i vendit të parë dhe 2 më shumë se Juventus që mban vendin e tretë në renditje.

Kapiteni i zikaltërve shkon në 13 gola në po kaq ndeshje, dy më pak se sulmuesi I Lacios, Immobile që mban vendin e parë në listën e golashënuesve të Seria A.
/Shqiptarja.com
  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera