POP 5

Lajmet më të lexuara të 5 minutave të fundit

Sport

Inter s'i reziston dot furisë së Real Madrid në Champions, Atalanta e dobët për Liverpool-in! Bayern vetëm fiton (VIDEO-Golat)

Pavarësisht rezistencës Inter është mposhtur në Champions League nga Real Madrid, që pas kësaj fitoreje ka rritur ndjeshëm shanset për të kaluar grupet.

Interi i Antonio Conte-s mund të tregojë maturi dhe të bëhet i frikshëm, por në Champions League përballë Real Madrid-it e pati të pamundur. ‘Galaktikët’ mposhtën jo pa vështirësi zikaltërit 3-2, duke rritur ndjeshëm shanset për kalimin e grupit pas dy ndeshjeve ku kishin vetëm një pikë.

Në stadiumin ‘Alfredo di Stefano’ spanjollët kaluan në avantazh me një gol të kontestuar të Benzema-s, që dërgoi në rrjet një top të fituar me faull sipas zikaltërve. Pak çaste më pas Ramos dyfishoi me kokë, por Inter u përgjigj shpejt me Martinez. Në pjesën e dytë Perisic barazoi gjithçka, ndërsa në vijim zikaltërit goditën edhe shtyllën, por golin e fitores do ta shënonte Rodrigo për vendasit.

Në takimin tjetër të grupit B Monchengladbach shkatërroi 0-6 Shakhtar Donetsk. Pas 3 ndeshjesh gjermanët udhëheqin me 5 pikë, Shakhtar i dyti me katër, ndërsa Interi i fundit me vetëm dy pikë.

Në grupin A Bayern Mynchen nuk njeh rezultat tjetër veçse fitores duke likuiduar 2-6 Salzburg, ndërsa Atletico Madrid ka ‘ngrirë’ 1-1 në transfertën e Moskës kundër Lokomotivës.

Në grupin C Manchester City ka mposhtur lehtësisht Olympiacos 3-0, ndërsa po me të njëjtin rezultoi fitoi Porto kundër Marseille-s.

Ndryshe nga çfarë pritej tepër e lehtë ka rezultuar transferta e Liverpool në Bergamo kundër Atalanta-s. Skuadra ku luan edhe Gjimshiti rezitoi vetëm 16 minuta, ndërsa deri në fund kampionët e Anglisë shënuan 5 herë.

Për t’u theksuar edhe fitorja e Ajax që kundër Midtyjland ishte me 11 mungesa për shkak të COVID-it. Holandezët ia dolën 1-2 në trasnfertën daneze.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kukës/ Policia në terren: Ka prezencë bore në të gjitha akset rrugore, 2 segmente vështirësi në qarkullim! Mbahet e hapur ‘Rruga e Kombit’

Kukës/ Policia në terren: Ka prezencë bore në të gjitha akset rrugore, 2 segmente vështirësi në qarkullim! Mbahet e hapur ‘Rruga e Kombit’

23 Dhjetor, 15:49