POP 5

Lajmet më të lexuara të 5 minutave të fundit

Sport

Interi e nis me fitore Europa Leaguen, nuk gabojnë ekipet e mëdha, mundet Ajax (VIDEO)

Interi e nis me fitore në Europa League. Zikaltërit triumfuan  2-0 në transfertë ndaj Ludogorets ku golin e parë e shënoi Eriksen. Fituan po ashtu Roma, Arsenali, Frankfurti. Vetëm barazim për Mançester Junajtid ndërsa Getafe surprizoi Ajaksin.

Interi e nis mbarë rrugëtimin në Europa League. Zikaltërit mposhtën 2-0 në Razgrad vendasit e Ludogorets dhe hipotekojnë kalimin për në fazën e 1/8. Conte kishte bërë shumë rrotacion dhe titullar e nisi Eriksen që zhbllokoi edhe rezultatin me një gol të bukur kur kishin kaluar 71 minuta lojë.

Për danezin vjen edhe goli i parë me fanellën e Interit edhe pse Conte pret sërish më shumë. Llogaritë i mbylli Lukaku i futur në pjesën e dytë. Belgu shënoi në kohën shtesë me penallti. Interi e ka seriozisht në Europa League.

Ka fituar edhe ekipi tjetër italian Roma. Goli i shënuar nga Carles Perez që në pjesën e parë i dha fitoren verdhekuqve ndaj belgëve të Gent. Rezultat ky i favorshëm për të kaluar më tej.

Rezultate pozitive kanë arritur në ndeshjet e para të 1/16-tave edhe ekipet angleze. Kanë fituar Arsenal e Wolves dhe barazoi United.Arsenali mposhti në Pire, Olympiacosin 1-0 me golin e Lacazette.

Manchester United barazoi në Belgjikë ndaj Club Brugge 1-1. Vendasit shënuan të parët me Dennis por ekipi i Solskjaer barazoi që në 45 minutat e para me francezin Anthony Martial. Kualifikimi do të vendoset në “Old Traford” pas një jave.

Surprizën e bëri Getafe që mposhti 2-0 Ajax-in. Në stadiumin “Coliseum Alfonso Perez” vendasit e Getafes shënuan nga një gol për çdo pjesë me Deyverson dhe në fund e tundi rrjetën Kenedy. Shumë pranë kualifikimit janë edhe Frankfurt, Basel, Sportingu i Lisbonës dhe Shakhtar./ Përgatiti Andi Kapxhiu

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

22 Janar, 16:42