Interi përkohësisht në krye, Messi show në goleadën e Barcelonës

 Interi përkohësisht në krye, Messi show në goleadën e Barcelonës

Interi ngjitet përkohësisht në kryesimin e Serisë A. Zikaltërit fituan 2-1 ndaj Brescia-s  në transfertë dhe me 25 pikë pas 10 javëve marrin komandën në pritje të Juventus-Genoa. Lautaro Martinez pas një gjuajtje të devijuar kaloi në avantazh skuadrën e Contes në minutën e 23-të. Brescia provon me të gjitha mënyrat të barazojë në pjesën e dytë por në momentin më të mirë pësojnë sërish. Lukaku me një të majtë të bukur realizon golin e dytë për Interin. Në të 75-tën Skriniar dërgon topin në portën e tij por zikaltërit arrijnë t’i marrin tre pikët.

Barcelona rikthehet të komandojë në La Liga falë një super Leo Messi duke mposhtur 5-1 Valladolid në “Camp Nou. Kapiteni ishte spektakolar duke shënuar dy gola dhe dhënë dy asise. Pas avantazhit të Lenglet miqtë barazuan me Olivas dhe më pas pati kohë për golat e Arturo Vidal, dy herë Messi dhe Luis Suarez. Argjentinasi shënon golin e 50-të në karrierë me goditje dënimi.

Ndërsa Atletico Madrid ngec në barazim. 1-1 është mbyllur transferta ndaj Deportivo Alaves ku Morata kaloi ekipin e Simeones në avantazh por 7 minuta nga fundi vendasit barazuan me Lucas Perez. Atletico mbetet në vend të tretë në renditje./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht