Intervista/ Aktorja Justina Aliaj: Te 
'Tartufi' më mungoi Robert Ndrenika

TIRANE- Justina Aliaj ishte gongu i shfaqjes “Tartufi”. Ajo tërhiqte pas vetes të gjitha rolet e tjera. Pati një rrëzëllim të veçantë me rolin e zonjës Pernelë. Shkëlqente me lëzivjet, komunikimin, plastikën e fytyrës, ecjen, veshjen, qëndrimin.  

Dy javë më parë, më 30 dhe 31 maj, në Teatrin Kombëtar u shfaq premierë komedia “Tartufi” e Molierit me regji të Erion Kames dhe me aktorë të njohur si: Justina Aliaj, Laert Vasili, Rajmonda Bulku, Vasjan Lami, Olta Daku, Mehdi Malka, Vangjel Toçe, etj. Laert Vasili, një aktor gjithmonë i suksesshëm, u përpoq t’i jepte një fytyrë moderne Tartufit, por nuk u prezantua aq “i prerë” për të mishëruar personazhin e Molierit. Komedisë “i kishin rrëshqitur” edhe disa batuta apo gjeste në dukje komike të aktorëve, por të një niveli banal krahasuar me penën e filozofinë e Molierit. Kështu dy javë më pas në dritëhijet e suksesit të shfaqjes mbetet një pikë e errët; ajo e pamundësisë së mishërimit të personazhit nga disa aktorë, por dhe një diskutim ende i hapur për vlerat reale të gjithë premierës “Tartufi”.