TIRANE- Ndërhyrja e NATO-s në Kosovë në 1999-n e dobësoi ushtarakisht Serbinë, që ajo të mos ishte më e aftë të shkaktonte konflikte të reja në rajon duke i dhënë shansin për “paqe të qëndrueshme Ballkanit”.

E ndërsa sot flasim për një rifillim të marrëdhënieve mes dy kombeve pas zhvillimeve të fundit mes Tiranës e Beogradit, realiteti i prekshëm i një ngjarje historike që të gjithë jemi dëshmitarë vjen i analizuar përmes fakteve në një studim voluminoz nga dr. Enver Bytyçi në librin e tij “Diplomacia imponuese e NATO-s në Kosovë”, i publikuar në gjuhën angleze nga Cambridge Scholars Publishing, i cili u promovua pak ditë më parë si pjesë e rëndësishme e javës së kulturës shqiptaro-britanike në Londër.