Intervista/ Dervishi: Serbinë e Vuçiç 
 i presim në Shkodër, stadiumi gati

Rama dhe Vuçiç do të takohen në Shkodër dhe ndeshja Shqipëri- Serbi do të zhvillohet në stadiumin “Loro Boriçi”. Garancinë për përfundimin e punimeve të
stadiumit të dytë me standardet Europiane në Shqipëri e jep anëtari i Komitetit Ekzekutiv në FSHF, Arben Dervishi njëkohësisht përgjegjës i procesit të punimeve që po realizohen në Shkodër.

Përmes një interviste për gazetën “Shqiptarja. com” Dervishi sqaron ecurinë e punimeve, por edhe planin “B” nëse gjithcka nuk do të mbyllet në kohë rekord. Sipas projektit, pritet që të shtohen 5112 vende të reja për tifozët, nga të cilat 2500 pas portave. Me këto shtesa, kapaciteti i stadiumit të ri do të shkojë në rreth 17 mijë vende dhe rikonstruksioni pritet të kalojë shumën e 12 milionë eurove.