Për të disatën herë (tani as unë nuk e mbaj mend se sa herë është shkruar për çmimet e karburanteve në Shqipëri dhe se sa herë unë kam shkruar për këtë temë) do të më duhet të analizoj çmimin ‘shqiptar” të naftës dhe të benzinës. Them “shqiptar” se është vërtet i tillë, pra unikal.

Po e shpjegoj: Çmimet e benzinës, 05 Janar 2015: Çmimi mesatar i benzinës nëpër botë është 1,11 $ për litër. Nuk ka ndryshim thelbësor në këtë çmim midis vendeve. Si rregull i përgjithshëm, vendet më të pasura kanë çmime më të larta, ndërsa vendet e varfra dhe vendet që prodhojnë dhe eksportojnë, kanë çmime dukshëm më të ulëta. Një përjashtim i dukshëm është SHBA, e cila është një vend ekonomikisht i përparuar, por ka çmime të ulëta.