Kryeministri Edi Rama në një takim me fermerët në Dibër, foli për nevojën e përshtatjes së sektorit të bujqësisë me tregun e Bashkimit Evropian. Rama tha se sektori do të riorganizohet ku secili prodhon më vete e i gjithë prodhimi shitet bashkërisht.

“Tani jemi të detyruar të hymë në fazën e bashkimit që bën fuqinë. Jo siç thonë çyrykët që vijnë vërdallë për të hedhur baltë mbi çdo gjë, jo si kooperativat e dikurshme, por si kooperativat e BE.

BE funksionon me kooperativa por ndryshme nga to të komunizmit, në ato të BE, secili prodhon më vete dhe të gjithë sheshin bashkë. Duke shitur bashkë, krijojnë një volum të madh, por nga ana tjetër harmonizojmë të gjithë veprimtarinë prodhuese pasi mbjellin me një farë, pastaj ndajnë kostot e punimit të tokës, e përkujdesjes për prodhimin dhe pastaj grumbullojnë, ambalazhojnë dhe shesin. Shoqëri të bashkuara bujqësore, kështu janë quajtur në ligj për të shmangur atë frikën e madhe që vjen nga truma e të shkuarës që po n mbledhin në kooperativë. E kemi nxitur këtë punë prej kohësh.

Duhet bashkim dhe për këtë arsye kemi vendosur dhe mbështetje financiare për bashkimin, institucionale dhe aleancë me shtetin. Pra, në Dibër SHPB ndërtohet mes fermerëve dhe bashkisë dhe bashkia është aksionere, por nuk është aksionere që t’iu marrë juve fitimet. Ndryshe se përballojmë dot përplasjen e madhe kur të bëhemi pjesë e BE. Gjithë ai treg do dalim tek e tek e do mbijetojmë. Ku do ti sheshim prodhimin me çanta rrugëve të Brukselit? Si do të realizohet siguria ushqimore? Do shkojnë të gjithë tek e tek për analiza në laboratorë? Si do të ulen kostot e prodhimit? Shqipëria i ka ë dyja, ka dhe shembujt e atyre që janë forcuar dhe pasuruar”, tha Rama.

Lajmi në përditësim.....

Rendit zhvillimet sipas orarit:
Ora 13:24
Dibër/ Rama inspektim në konviktin e ri të shkollës profesionale ‘Nazmi Rushiti’, kapacitet për 120 nxënës

Në këtë kuadër, gjatë vizitës në Dibër, Kryeministri Edi Rama inspektoi konviktin e ri të Shkollës së Mesme Profesionale “Nazmi Rushiti”, një investim i rëndësishëm që rrit cilësinë e jetesës për nxënësit dhe mbështet zhvillimin e arsimit profesional në zonë.

Zëvendësministrja e Ekonomisë dhe Inovacionit, Olta Manjani, tha se konvikti i ri ka një kapacitet prej 120 vendesh dhe ofron kushte moderne akomodimi, duke garantuar një balancë të mirë gjinore mes nxënësve.

“Kapaciteti është 120 nxënës, 60 çuna 60 goca. Këtë balancën gjinore e kemi shumë të mire në Dibër, si gjithmonë. Edhe nga 240 nxënësit që janë në shkollë, janë 122 djem dhe 118 vajza. Besoj se është një ndër shkollat e pakta profesionale që e kemi kaq të mirë këtë balancën gjinore.” – u shpreh ajo.

“Kemi krijuar këtë qendër këtu, e cila është e treta pas Tropojës dhe Kukësit për punësimin e të rinjve. I gjithë trajnimi dhe punësimi realizohet online. Aktualisht kemi 15 të rinj që kanë nisur punën prej një muaji dhe synojmë ta zhvillojmë më tej si një innovation hub për startup-et e vogla,” u shpreh Manjani.

Në vijim, Kryeministri pa nga afër edhe ambientet e brendshme të konviktit, përfshirë mjediset e gatimit, si dhe hapësirat e shërbimit, dhomat e akomodimit, si dhe ambiente të dedikuara për personelin kujdestar, të pajisura më së miri, me të gjitha kushtet e nevojshme.

Shkolla e Mesme Profesionale “Nazmi Rushiti” ofron një gamë të gjerë profilesh, duke përfshirë ekonomi-biznes, teknologji informacioni dhe komunikimi, hoteleri-turizëm dhe gjeologji-miniera. Ajo bashkëpunon me 36 biznese dhe rreth 95% e nxënësve zhvillojnë praktikat profesionale pranë tyre, duke forcuar lidhjen mes arsimit dhe tregut të punës. Gjatë vizitës, Kryeministri Rama u interesua edhe për përfundimin e konvikteve të tjera në zonë, duke theksuar rëndësinë e vazhdimit të investimeve për përmirësimin e mëtejshëm të kushteve në arsimin profesional.

K.B/Shqiptarja.com

Ora 11:31
‘Kemi rritur mbështetjen për fermerët dhe me kredi’, Rama: Kryebashkiakët po nuk bënë 10 agroturizëm me Paketën e Maleve, nuk kandidojnë më

Kryeministri Edi Rama tha se mbështetja për zhvillimin e sipërmarrjeve të fermerëve është rritur dhe me marrëveshjen që do të nënshkruhet së shpejti me bankat dhe Bankën e Shqipërisë për kreditë me interes të ulët.

Ndër të tjera Rama iu drejtua dhe kryebashkiakëve, i cili tha se nëpërmjet Paketës së Maleve duhet të ngrejnë 10 agroturizëm dhe 3 shoqëri të bashkuara, ose në të kundërt, nuk kanë për të kandiduar më.

“Nuk është më problemi te paratë, është te projekti dhe aplikimi. E kemi rritur mbështetjen dhe për pak ditë, do të firmosim dhe marrëveshjen me bankat e Bankën e Shqipërisë dhe do të vendosim në dispozicion të gjithë atyre që duan të dyfishojnë sipërmarrjen një linjë kredie me interes të ulët dhe me garanci jashtë shteti. Askush nuk ka ë alibi, as kryetarët e bashkive. U kam dhënë kryetarëve të bashkive, por nuk bëtë 10 agroturizma me Paketën e Maleve dhe 3 shoqëri të bashkuara, as mos pretendoni të kandidoni më. Nuk janë bashkitë, vetëm shtro rrugë, vendos drita e pastro plehra. Bashkitë duhet të jenë aleatë të fermerëve”, tha Rama.

K.B/Shqiptarja.com