IRAK - Shtatë shpërthime janë regjistruar mëngjesin e të mërkurës, në lagjet Shiite të kryeqytetit të Irakut, në zonën sunite të Azamiyah. Nga këto shpërthime kanë humbur jetën 24 persona dhe 65 të tjerë janë plagosur. Këtë gjë e kanë deklaruar Ministria e Brendshme vendase dhe burime nga policia. 

Pas atentateve, forcat e policisë irakene kanë vendosur masa të rrepta sigurie dhe në momentet e para të këtyre atentateve nuk janë lejuar fotografë dhe kameramanë që donin të dokumentonin. 

Gjashtë autobombat dhe një tjetër sulm, kanë goditur zonat e Azamiyah, lagjen tregtare Karrada, qendrën Chaab të kryeqytetit dhe zonën më antike Sadriyah.


(v.gj/shqiptarja.com)