Aksidenti me helikopter në të cilin vdiq presidenti iranian Ebrahim Raisi, më 19 Maj të këtij viti, ishte për shkak të motit të keq dhe mjegullës, sipas hetimeve të fundit.
“Shkaku kryesor i aksidentit të helikopterit ishin kushtet komplekse klimatike dhe atmosferike në rajon në stinën e pranverës”, sipas televizionit shtetëror IRIB.
Sipas të njëjtit raport, “formimi i papritur i një mase të trashë dhe të dendur mjegull” shkaktoi rrëzimin e helikopterit “Bell 212”, në të cilin Raisi po udhëtonte së bashku me ministrin e Punëve të Jashtme, Hossein Amir-Abdolahian dhe gjashtë pasagjerë, të cilët gjithashtu vdiqën në këtë ngjarje, në provincën e Azerbajxhanit Lindor, raportoi edhe agjencia shtetërore e lajmeve IRNA.
Pjesë të helikopterit Bell 212 pas aksidentit
Anëtarët e komitetit, të përbërë nga ekspertë ushtarakë dhe shtetërorë, shqyrtuan kushtet teknike, inxhinierike, elektronike dhe të lundrimit të helikopterit të rrëzuar, pa konstatuar asnjë defekt në pajisjen apo mirëmbajtjen e tij, që nga momenti i marrjes në dorëzim.
Shtabi i Përgjithshëm i Forcave të Armatosura të Iranit raportoi tashmë në momentin e aksidentit se nuk kishin gjetur shenja të dyshimta në aksident, përveç faktit se pajisja ndoqi planin e fluturimit, pa gjetur vrima plumbash në pajisje apo gjurmë zjarri, pasi avioni ishte rrëzuar.
Pas tre ditësh homazhe masive në disa qytete anembanë vendit, Raisi u varros më 31 Maj, në një mauzoleum të rëndësishëm fetar në qytetin Mashad, në Iranin verior, i njohur si një vend i zakonshëm pelegrinazhi.
Ebrahim Raisi
Ngjarja shkaktoi edhe shumë konfuzion, duke u ngritur edhe hipoteza konspirative për një atentat të organizuar nga Izraeli dhe armiqtë e Iranit, pasi në atë periudhë tensionet mes palëve ishin në maksimum për shkak të luftës në Gaza.
Pas vdekjes së presidentit u mbajtën zgjedhjet e parakohshme presidenciale, në të cilat fitoi reformisti Masoud Pezeshkian, duke marrë detyrën më 30 Korrik.
Lajme të tjera
-
Ligjbërësit iranianë kërkojnë ndryshimin e projektligjit të rreptë për hixhabin
18 Dhjetor, 15:09 -
Presidenti i Iranit bllokon ligjin ‘drakonian’ për hixhabin
15 Dhjetor, 19:47 -
Sfidoi regjimin iranian, arrestohet këngëtarja që mbajti koncert pa hixhab
15 Dhjetor, 09:28 -
Damask/ Udhëheqësi i rebelëve al-Jolani: Izraeli nuk ka më justifikime për sulme në Siri
14 Dhjetor, 18:46 -
Ish-gazetari i REL dënohet me 10 vjet burg në Iran
14 Dhjetor, 15:48 -
Iran, këngëtarja thyen rregullat fetare, regjistron koncert pa hixhab (VIDEO)
13 Dhjetor, 12:49 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Rënia e Assadit, goditje për ndikimin e Iranit dhe Rusisë, rrezik ardhja e islamistëve ekstrem në Siri
9 Dhjetor, 17:21 -
Irani urdhëron evakuimin e personelit diplomatik dhe ushtarak nga Siria
7 Dhjetor, 08:37 -
Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër
28 Nëntor, 08:07 -
Lirohet pa akuza gruaja iraniane që u zhvesh në shenjë proteste
19 Nëntor, 20:00 -
Kompleksi ushtarak do ndërtonte armë bërthamore, si Izraeli shkatërroi bazën 'top sekret' të Iranit në mes të shkretëtirës
16 Nëntor, 11:00
