Irani dënon me vdekje 4 persona, i akuzon si spiun

Irani dënon me vdekje 4 persona, i akuzon si spiun

Foto ilustruese

Irani ka dënuar me vdekje katër persona, sepse i ka akuzuar për bashkëpunim me Izraelin. Njoftimin për dënim me vdekje të katër personave të akuzuar për bashkëpunim e ka dhënë agjencia e lajmeve, Mehr Neës. Sipas agjencisë, të katër personat u arrestuan në qershor dhe më pas u akuzuan se kishin dhënë informacione sekrete, në bashkëpunimin me shërbimin e inteligjencës Izraelite, Mossad. Ndërsa tre persona të tjerë u dënuan nga Gjykata e Lartë e Iranit me pesë deri në dhjetë vjet burgim, me akuzat për "veprime kundër sigurisë së vendit, rrëmbim dhe posedim armësh.” Në fund të korrikut, policia iraniane kishte arrestuar një grup tjetër të një rrjeti të dyshuar spiunazhi, që sipas Teheranit kanë lidhje me shërbimet e inteligjencës izraelite.

Irani ka akuzuar në mënyrë të përsëritur armikun e përhershëm, Izraelin, për akte të supozuara sabotimi në objektet e tij kërkimore bërthamore, si dhe sulme kibernetike dhe vrasje të shkencëtarëve bërthamorë. Me një listë të gjatë të krimeve për të cilat shqiptohet dënimi me vdekje, Irani ka ekzekutuar të paktën 314 të burgosur gjatë vitit të kaluar. Vetëm Kina ka ekzekutuar më shumë të burgosur mbi 1.000. Organizata Iran Human Rights, në fakt tha se shifra është 333, që paraqet një rritje të ekzekutimeve, krahasuar me vitin 2020, kur ishin ekzekutuar 267 të burgosur.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se duhet të ngrihet komisioni hetimor për çështjen McGonigal?



×

Lajmi i fundit

Pastruesja i vodhi paratë në shtëpi, arrestohet nga policia e Tiranës zyrtarja Alda Klosi! Akuzohet për pastrim parash

Pastruesja i vodhi paratë në shtëpi, arrestohet nga policia e Tiranës zyrtarja Alda Klosi! Akuzohet për pastrim parash