Departamenti Amerikan i Drejtësisë njoftoi se ka zbuluar vepra penale në lidhje me një komplot iranian të prishur nga FBI.
Komploti kishte për qëllim vrasjen e Donald Trump, përpara zgjedhjeve presidenciale që u mbajtën këtë javë (5 nëntor).
Një ankesë dhe hetim penal, i paraqitur në gjykatën federale në Manhattan, pretendon se një oficer i Gardës Revolucionare iraniane i paidentifikuar, udhëzoi një kontakt shtatorin e kaluar për të kryer një plan për të vëzhguar dhe në fund për të vrarë Trump, shkruan “La Repubblica”.
Departamenti i Drejtësisë tha sot se ngriti një aktakuzë kundër Farhad Shakerit, 51 vjeç, duke pretenduar se atij i ishte kërkuar të “ngrinte një plan” për të vrarë Trump, shkruan BBC. Qeveria amerikane tha se Shakeri nuk është arrestuar dhe se besohet të jetë në Iran.
Në një kallëzim penal të paraqitur në gjykatën e Manhatanit, prokurorët pretendojnë se një zyrtar në Gardën Revolucionare të Iranit e udhëzoi Shakerin në shtator të hartonte një plan për të vëzhguar dhe vrarë Trump.
“Departamenti i Drejtësisë ka akuzuar një pjesë të regjimit iranian, i cili ishte ngarkuar nga regjimi për të drejtuar një rrjet bashkëpunëtorësh kriminalë për të çuar më tej komplotin e Irani për të vrarë objektivat e tij, duke përfshirë presidentin e sapozgjedhur Donald Trump”, tha në një deklaratë Prokurori i Përgjithshëm i SHBA Merrick Garland.
Departamenti i Drejtësisë shtoi se kishte akuzuar dy të tjerë që ishin rekrutuar gjithashtu për të vrarë një gazetar amerikan, i cili ishte një kritik i hapur i Iranit.
Por detajet mbeten ende të rezervuara nga ky hetim dhe investigimi po vijon. Trump i shpëtoi një atentati në Pensilvani, teksa një person tjetër u arrestua afër rezidencës në Palm Beach ku po luante golf, javë më pas ngjarjes së parë.
Dhe teksa ky lajm pushtoi mediat, presidenti i sapozgjedhur duket se ka nisur aktivitetin e tij politiko-diplomatik, edhe pse zyrtarisht postin e merr më 20 Janar, kur betohet.
Bosi i ‘Tesla” dhe “Space X”, Elon Musk, njoftohet se mori pjesë në bisedën telefonike të së mërkurës mes Donald Trump dhe presidentit ukrainas Volodymyr Zelensky. Kjo u raportua për Axios nga dy burime të njohura, të cilët specifikuan se Zelensky tha se ishte disi i qetësuar nga ajo që dëgjoi nga presidenti i ri i Shteteve të Bashkuara.
Sipas burimeve të informuara për detajet, biseda mes Trump dhe Zelensky ka zgjatur rreth 25 minuta. Prania e Musk nënvizon se si CEO i X dhe Tesla mund të jetë me ndikim në administratën e dytë të Trump.
Lajme të tjera
-
Elon Musk nuk e lejonte të shihte fëmijët, këngëtarja: Kam kaluar çdo minutë duke qarë
23 Nëntor, 17:59 -
Shefi i NATO-s takohet me Trumpin në Florida
23 Nëntor, 12:35 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Shtyhet pa afat vendimi për dënimin e Presidentit të zgjedhur Trump, për çështjen e ngritur ndaj tij në Nju Jork
22 Nëntor, 19:42 -
Donald Trump zgjedh Pam Bondin për prokurore të Përgjithshme të SHBA-së! Matt Gaetz u tërhoq pas akuzave për një skandal seksual
22 Nëntor, 08:30 -
SHBA/ Republikani Matt Gaetz heq dorë nga oferta e Trump për Prokuror të Përgjithshëm
21 Nëntor, 19:08 -
VIDEO/ ‘Të futemi përpara se të marrë detyrën Trump’, mijëra emigrantë vërshojnë drejt SHBA-së
21 Nëntor, 17:23 -
VIDEOLAJM/ Ministrja e Trump për arsimin duke u ndeshur në WWE
21 Nëntor, 16:15 -
Skënder Minxhozi: Rreziku numër 1 për qeverinë: Mërzia! Ajo që rrëzoi Xho Bajden më 5 nëntor!
21 Nëntor, 15:37
