Eksperti i sigurisë, Arben Çuko ishte i ftuar ditën e sotme në ‘Sot Live në Shqipëri’ në Report Tv, ku zbërtheu sulmin iranian ndaj Izraelit dy ditë më parë.
'Është një shtet i fuqishëm me kapacitete ushtarake të mëdhaja. Nëse iranianët kanë lajmëruar se do godas, këtë sulm e bëri për të bashkuar popullin e vet, për politikë të brendshme. Për ti treguar se po luftojmë kundër armikut të popujve arab të Lindjes së Mesme, siç është Izraeli', shprehet Çuko.
Sipas tij nga sulmi mbetën të kënaqur si Izraeli dhe Irani.
'Ndërkohë rezultatet e mbrojtjes së brendshme, nuk pati dëmtime. Pra të dy palët kanë ngelur të kënaqur. Problemi që qëndron është Gaza. Irani është diktaturë dhe problemet e brendshme i ka pasur të nxehta. Dhe ky sulmi ishte më tepër për të bashkuar popullin e vet', thotë ai.
Çuko shpreh shqetësimin për koalicionin mes vendeve anti-perëndimore.
'Këtu ka një rrezik real, është ravijëzuar koalicioni anti-perëndimor, Rusi-Iran-Kore e Veriut-Kinë. Mund të ketë dhe shtete në hije. Nga këto 4 shtete nuk ka kapacitete bërthamore. Shqetësohem se mos përshkallëzimi i luftës në Ukrainë, i gjetjes së momentit të Kinës për të sulmuar Tajvanin, futemi në një konflikt botëror. Shqetësimi vjen tek ne, tek vetja. Diplomacia këto ditë ka qenë shumë aktive për de-eskalimin', vijon Çuko.
Situata mbetet e rrezikshme dhe në rajonit tonë, teksa Serbia është e armatosur gjer në dhëmbë.
'Serbia ka 10 vite që armatoset deri në fyt, me armë ofensive, jo mbrojtëse. Ka një dallim shumë të qartë. Ne kemi ndërmarrë një program armatosje, por gjithmonë me armë mbrojtëse. Serbia ka 10 vjet që armatoset me armë mësymëse', thekson eksperti.
Duke iu rikthyer Lindjes së Mesme, Çuko thotë se Arabia Saudite nuk e mbështet Iranin për shkak të ndasive ideologjike fetare mes tyre.
'Ndarja fetare ka bërë gjënë që Arabia Saudite është në luftë të fortë ideologjike fetare me Iranin. Arabia Saudite dhe Irani janë të kundërt në ideologjinë fetare dhe automatikisht janë të kundërt edhe në gjithë gjërat e tjera', nënvizon Çuko.
Sa i përket Shqipërisë, eksperti shpreh vlerësimin për nismat e qeverisë dhe buxhetin e shtuar të mbrojtjes për këtë vit.
'Buxheti i mbrojtjes këtë vit është 500 milionë euro, nuk është pak. Lidershipi politiko ushtarak në ministrinë e Mbrojtjes, kanë hartuar strategjinë ushtarake për planin e zhvillimit të forcave të armatosura për 10 vitet e ardhshme, ku parashikohet rritja e kapaciteteve, modernizimi i ushtrisë, strukturën për mbrojtjen kibernetike. Të gjitha armët e sotme nuk mund të jenë efektive pa pasur masë të fortë kundër sulmeve kibernetike', përfundon ai.
Lajme të tjera
-
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Shqiptarët më të 'frikësuarit' në rajon nga inteligjenca artificiale
25 Dhjetor, 12:46 -
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51
