Ish menaxheri: Familja të tregojë
gjendjen e Schumacher
 

Pas më shumë se 3 vitesh, ish menaxheri i Michael Schumacher, Willi Weber, ka reaguar në lidhje me vendimin e familjes së 7 herë kampionit të Formula 1.

Ai është shprehur se familja e Schumacher duhet të thyej heshtjen dhe tu tregojë miliona fansave të pilotit se si është gjendja e tij shëndetësore, por ata nuk pranojnë këshilla.

“Sa herë bie telefoni, shpresoj që të jetë Michael, që ta pyes se si është”, është shprehur Weber.

Willi Weber e ka qenë pjesë e karrierës së pilotit të Formula 1, pasi ai e ka shoqëruar që prej ditëve të fëmijërisë, kohë kur Schumacher filloi karrierën e tij,
e deri në shkëlqimin në Formula 1, ku fitoi edhe 7 tituj kampion.

Michael Schumacher, u aksidentuar gjatë skijimit më 29 dhjetor të vitit 2013, ku mori dëmtime të shumta. Që prej atij momenti shumë pak dihet për gjendjen e pilotit, pasi familja e tij nuk ka dhënë asnjë informacion nëse gjendja e tij shëndetësore është përmirësuar apo është rënduar më shumë.

Redaksia Online
D.T/Shqiptarja.com