Ish presidenti i SHBA-ve Donald Trump kritikon prokurorët që po kryejnë hetime ndaj tij

Ish presidenti i SHBA-ve Donald Trump kritikon prokurorët që po kryejnë hetime ndaj tij

Donald Trump

Ish presidenti Donald Trump shfrytëzoi takimin e parë me mbështetësit në kuadër të fushatës presidenciale për zgjedhjet e vitit 2024 për të lëshuar kritika ndaj prokurorëve që po kryejnë hetime ndaj tij.

Gjatë tubimit në aeroportin Ueiko, në shtetin e Teksasit, zoti Trump tha se ndaj tij po kryhen procese hetimore të rreme duke i cilësuar si “gjueti shtrigash”.

Prokuroria e Manhatanit po heton rolin e ish-presidentit lidhur me pagesën ndaj aktores së filmave pornografikë, Stormy Daniels në këmbim të heshtjes së saj, përpara zgjedhjeve të vitit 2016. Zoti Trump tha se është i pafajshëm dhe se po hetohet për diçka që nuk përbën krim apo shkelje ligjore.

Trump tha mes të tjerash se kundështarët e tij po përpiqen ta ndalojnë atë, por nuk ia kanë dalë dot.

Gjatë fjalimit, ai kritikoi edhe guvernatorin e Floridës, Ron DeSantis, i cili pritet gjithashtu të kandidojë për president, duke e cilësuar aleatin e tij të dikurshëm si “jo besnik”.

Trump po përballet me një seri sfidash ligjore. Veç hetimeve në Nju Jork, një juri e madhe federale në Uashington po heton çështjen e mbajtjes së dokumenteve sekrete nga zoti Trump pas largimit të tij nga Shtëpia e Bardhë në janar të vitit 2021. Po ashtu, edhe në shtetin e Xhorxhias, po kryhen hetime ndaj ish presidentit mbi përpjekjen për të përmbysur rezultatin e zgjedhjeve presidenciale në atë shtet./VOA

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    I kishte mbetur 1 vit e 8 muaj burg, gjykata liron Tahirin. Si e vlerësoni?



×

Lajmi i fundit

Diego Simeone: Vetëm katër herë në muaj seks? Këta lojtarë nuk luajnë në ekipin tim

Diego Simeone: Vetëm katër herë në muaj seks? Këta lojtarë nuk luajnë në ekipin tim