Ish-prokurorja e EULEX: Britania më
kërkoi të mos flas për korrupsionin 

Diplomatë të “Foreign Office” kanë kërkuar që të bëhet një sy qorr e një vesh shurdh’’ përballë provave që tregonin korrupsionin në misionin më të madh të Bashkimit Europian,  sipas dokumentacionit të paraqitur përpara gjykatës të hënën. Është Maria Bamieh, një avokate me bazë në Londër, ajo qe e pretendon një gjë të tillë dhe ka deklaruar se zyrtarët e FCO refuzuan të ndërmarrin çfarëdolloj hapi për të konfirmuar pretendimet e saj për bashkëpunim mes zyrtarëve të BE dhe kriminelëve të dyshuar në Kosovë.

Madje, ajo pretendon se zyrtarët e Britanisë së Madhe i kanë kërkuar asaj të  injorojë provat për  pagesa të paligjshme. Pretendimet ose akuzat kundër Zyrës së Jashtme janë bërë të qarta në dokumentet e paraqitura në një gjykatë në qendër të Londrës. Pretendimet e Bamieh kundër EULEX-it, misioni i BE-së në Prishtinë, u prezantuan edhe në 2014 tek ‘’ the guardian’’ . Bamieh tregon se ajo është intimiduar  në punën e saj si prokurore për EULEX,  pas pretendimeve se kishte gjetur prova se stafi i lartë  i misionit kishte marrë ryshfet dhe po bashkëpunonte me vrasës.  

Misioni EULEX ka shpenzuar më shumë se  1 miliard  euro që kur është krijuar me premtimin ose qëllimin për të ndjekur ‘’peshqit e mëdhenj’’  ndërmjet politikanëve kosovarë që dyshohet se ishin të përfshirë në krimin e organizuar. Pretendimet e Bamieh, së bashku me paraqitjen e dokumenteve komprometuese në mediat kosovare, kanë përforcuar përshtypjen brenda provincës së ish-Jugosllavisë se EULEX-i mund të jetë bërë pjesë e problemit që po përpiqet të zgjidhë.  Dokumentet pohojnë se Bamieh, që ishte punësuar nga foreign office dhe më pas u bë pjesë e EULEX, fillimisht ngriti shqetësimet e saj lidhur me një zyrtar qeveritar të Mbretërisë së Bashkuar në qershor 2012. 

Për këtë ajo pati edhe takime më zyrtarë të lartë në Prishtinë të cilit i kishte treguar për provat por faktet nuk u morën parasysh , madje ai e kishte këshilluar të mbyllte njërin sy. Avokati i Bamieh, Peter Daly nga specialistët për të drejtat e njeriut tha se Rasti i Maria Bamieh është ai që ngre pyetje shumë shqetësuese për institucionet e BE dhe për qeverinë e Mbretërisë së Bashkuar. Nga ana tjetër një zëdhënës i foreign office I ka mohuar akuzat e sipërpërmendura dhe theksoi se eshte totalisht e pavërtete që një diplomat britanik ti ketë dhënë këshilla të tilla Bamieh.

dy.b/shqiptarja.com