Janë më shumë se 650 ish të përndjekur politik të cilët kanë probleme me dosjet dhe duhet të plotësojnë dokumentacionin. Ministria e Financave ka publikuar emrat e trashëgimtarëve, që janë gati të përfitojnë këstin e parë ose të dytë, por kanë mangësi në dosje.
Disa nga dokumentat që mungojnë në dosje është numri aktiv i llogarisë bankare, prandaj Ministria e Financave u bën apel përfituesve që ti kontrollojnë dosjet dhe njëherë. 3 muaj afat kanë trashëgimtarët për të dorëzuar dokumentat e munguara, në të kundërt nuk mund të marrin këstin e parë ose të dytë. Gazeta sjell sot listën e plotë me 247 përfitues të këstit të parë dhe 397 përfitues të këstit të dytë që duhet të plotësojnë dokumentacionin.
Procedura për trashëgimtarët
Trashëgimtarët duhet të dorëzojnë dokumentet e kërkuara sipas dispozitave ligjore në fuqi. Të gjithë trashëgimtarët e ish të dënuarit duhet të sigurohen pranë bankës në të cilën kanë hapur llogarinë, që llogaria e tyre është aktive. Në rast se llogaria nuk është aktive, shuma e dëmshpërblimit kthehet mbrapsht në buxhet duke sjellë vonesa dhe ndërlikime të panevojshme.
Kur kemi ndryshim të identitetit, Emër/Mbiemër, apo në rastet kur në certifikatë ndryshon emri ose mbiemri, qoftë edhe me një gërmë të vetme në krahasim me dëshminë e trashëgimisë apo prokurës, kartës së identitetit dhe çdo dokumenti tjetër të nevojshëm, duhet medoemos që në të gjitha dokumentet emrat të jenë të njëjtë me atë që është shkruar në certifikatën e lëshuar nga gjendja civile.
Në raste se ka transkriptime të gabuara gjatë kohës nga një certifikatë e një periudhe të caktuar, atëherë këto ndryshime duhet të pasqyrohen brenda formatit të certifikatës apo edhe të një vërtetimi të veçantë të lëshuar nga zyra e gjendjes civile.Në rastet e ekzekutimeve kapitale pa gjyq, është i domosdoshëm një vendim fakti gjykate që vërteton vdekjen, plus një certifikatë negative të lëshuar nga zyra e gjendjes civile. Në rastet kur për arsye të njohura në gjendjen civile nuk ekzistojnë dokumente të periudhës përkatëse dhe ky fakt vërtetohet nga gjendja civile, i interesuari është i detyruar të bëj një gjyq fakti, të cilin edhe në këtë rast si në pikën më lart, duhet ta shoqërojë me një certifikatë negative.
( Kliko këtu ) për listën e plotë me 247 pëfituesit - Kësti i parë
Lajme të tjera
-
VKM/ Miratohet dëmshpërblimi për 9 ish-të dënuar politikë! Do jepet me këste! Manja propozon zgjatje afati për dosjet e pa trajtuara
24 Gusht 2023, 13:47 -
Furtuna që Godole krijoi në PD, Berisha nis hakmarrjen ndaj saj! Kreu i ish të përndjekurve politik: Ajo s'na përfaqëson ne, Basha e zgjodhi pa na pyetur
1 Shtator 2021, 14:08 -
Digjet palma në godinë e ish të Përndjekurve Politikë, ndërhyn zjarrfikësja (VIDEO)
15 Maj 2020, 10:54 -
Gjirokastra nderon viktimat e komunizmit në burgun '7 penxheret' (VIDEO)
19 Shkurt 2020, 17:45
