TIRANË - Ministria e Financave ka publikuar emrat e ish-të përndjekurve politik të cilët marrin këstin e katërt dhe këstin e pestë. Sipas financave kësti i radhës është kaluar në llogaritë e përfituesve. Janë 6 ish-të përndjekur që kanë marrë këstin e katërt dhe 68 të tjerë që kanë marrë këstin e pestë, që përfshin kategoritë parësore për përfitijm. Gjithashtu Ministria e Financave u bën thirrje ish-të përndjekurve që të dorëzojnë dokumentat, sidomos për kategoritë me prioritet.

Për kategorinë e parë me prioritet, “gra ish të dënuara që jetojnë në momentin e pagesës”
- Certifikatë personale jo më e vjetër sesa një javë nga data e dorëzimit.
- Nr. Llogarie bankare në Lek në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re).
Për kategorinë e dytë me prioritet, “persona ish të dënuar mbi 75 vjeç në datën e hyrjes në fuqi të ligjit që vazhdojnë të jenë gjallë”.
- Certifikatë personale jo më e vjetër sesa një javë nga data e dorëzimit.

- Nr. Llogarie bankare në Lek në në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re).
Për kategorinë e tretë me prioritet, “Persona ish të dënuar politik të gjallë që vuajnë nga sëmundje të rënda”.
a. Raport mjeko- ligjor (origjinal me emra dhe mbiemra të anëtarëve me firmë të gjithësecilit dhe me vulë, jo kopje) për paaftësi të plotë për punë e lëshuar nga:
-KEMCAP (KEMP-i epror).