POP 5

Lajmet më të lexuara të 5 minutave të fundit

Kronikë

Ishin pjesë e grupit të falsifikuesve të vizave për në SHBA, arrestohen dy policë/ Emrat

Policia goditi dje një grup të falsifikimit të vizave duke arrestuar 13 persona, ndërsa mes tyre janë edhe dy policë.
Ishin pjesë e grupit të falsifikuesve të vizave për në SHBA, arrestohen dy policë/ Emrat

Policia e Tiranës

TIRANE-Policia goditi dje një grup të falsifikimit të vizave duke arrestuar 13 persona, ndërsa mes tyre janë edhe dy policë. Punonjësit e policisë që janë arrestuar si të përfshirë në këtë rrjet të trafikut që dërgonin shqiptarë në SHBA dhe Britani me viza false kundrejt pagesave 20-35 mijë euro janë Arian Uku dhe Entela Çala.  Ata janë inspektorë në Seksionin e trafikut interurban në Komisariatin e Policisë Rrugore Tiranë dhe specialistë në Seksionin e Trafiqeve.

Më datë 14.05.2018, ora 19.00, u ndaluan shtetasit Arian Besnik Uku dhe Entela Seit Çala, të datëlindjes 26.08.1979 dhe 05.06.1975, banues në Tiranë, me arsim të lartë, inspektor në Seksionin e trafikut interurban në Komisariatin e Policisë Rrugore Tiranë dhe specialistë në Seksionin e Trafiqeve të Paligjshme në DVP Tiranë, sepse Prokuroria për Krimet e Rënda pranë Gjykatës së Shkallës së Parë për Krimet e Rënda, ka nxjerrë urdhra ndalimi ndaj tyre, pasi dyshohen për veprat penale “Falsifikimi i letërnjoftimeve, i pasaportave ose i vizave”, “Falsifikimi i vulave, stampave ose i formularëve”, dhe “Grupi i strukturuar kriminal”. 

Deklarata e policisë së Tiranës

Gjatë operacionit janë sekuestruar dhe dy laboratorë që falsifikonin vizat amerikane dhe britanike. Sipas hetimeve të Prokurorisë së Krimeve të Rënda kanë qenë përgjimet dhe vëzhgimet ambientale ato që kanë zbuluar grupin kriminal. Kjo është hera e dytë në pak muaj ku pas operacionit “One if By land” goditet një grup trafikimi qeniesh njerëzore drejt SHBA-ve dhe Anglisë. Shumica e emigrantëve kanë udhëtuar me avion drejt këtyre vendeve, ndërsa pagesat kundrejt trafikantëve bëheshin në dy pjesë. Një pjesë cash në Shqipëri dhe një pjesë me agjencitë e transfertave të parave kur ata mbërrinin në destinacion.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46