Ish-shefi i shtabit të ushtrisë serbe, Zdravko Ponos, i cili është kandidat për president në Serbi, ka vizituar sot Prizrenin, ku dhe ka hapur fushatën e tij. Ai theksoi se Prizrenit i mungon sot gjuha serbe dhe se do të dëshironte që ai të ishte sërish qyteti i vjetër.
“Nëse identiteti kombëtar do të përbëhej vetëm nga fjalët, atëherë në identitetin tonë kombëtar fjala Kosovë do të ishte pjesa më e madhe e ndërtimit. Kosova është për shumë njerëz që kanë jetuar këtu, që jetojnë dhe do të jetojnë dhe diçka tjetër – kjo është jeta para së gjithash. Jeta ime profesionale filloi në Kosovë tridhjetë e pesë vjet më parë, ky ishte fillimi i karrierës sime ushtarake,” tha Ponos.
Ponos ka thënë se Prizreni ka mbetur po ai qytet i bukur, derisa sipas tij, në rrugët e qytetit mungon gjuha serbe. Ai thotë se do të donte që Prizreni të ndryshonte dhe të dëgjohej në rrugë serbishtja dhe gjuha shqipe.
“Prizreni është ende qytet i bukur si atëherë, por diçka i mungon. I mungon diçka kaq e madhe, kaq evidente, i mungon gjuha serbe në rrugë. Do të doja që të ndryshonte, të bëhej sërish Prizreni i vjetër i bukur me serbisht dhe shqip në rrugët e tij”, ka thënë Ponos.
Më tej Ponos ka treguar se si kishte filluar karrierën e tij prej ushtaraku 35 vjet më herët në Kosovë. Ponos kështu filloi zyrtarisht fushatën e tij për presidencën e Serbisë. Kandidatura e tij fillimisht u përkrah nga Partia për Liri dhe Drejtësi (SAA), pas së cilës iu bashkuan edhe pjesa tjetër e koalicionit “Serbia e Bashkuar” – Partia Popullore, Partia Demokratike dhe Lëvizja e Qytetarëve të Lirë.
Ai është gjeneral dhe ish-shef i Shtabit të Përgjithshëm të Ushtrisë Serbe, pas së cilës u përfshi në jetën politike.
Në nëntor 2021, Ponos vendosi të jepte dorëheqjen nga të gjitha funksionet partiake, pra dha dorëheqjen si anëtar i Kryesisë së Partisë Popullore. Ai u tërhoq nga kandidatura për nënkryetar, por mbeti anëtar i partisë dhe nënvizoi se do të vazhdojë të veprojë në opozitë.
Pas kandidimit të tij, Ponos theksoi se do të bënte thirrje për unitet dhe nënvizoi se votuesit e SNS nuk kanë asgjë për t’u frikësuar kur gjërat në Serbi ndryshojnë.
Komente
Lajme të tjera
-
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Pasivizimi i adresave në Luginë drejt Gjykatës së Strasburgut
26 Nëntor, 17:19 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Synon anëtarësimin në BE, Serbia dështon në hapjen e kapitujve
25 Nëntor, 16:43 -
VIDEO/ Plas grushti mes deputetëve në Parlamentin serb, Garda ndërhyn për t'i ndarë
25 Nëntor, 13:56 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Shkup/ Rikthehen mosmarrëveshjet për Ballkanin e Hapur
24 Nëntor, 17:00 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42
Edvin Vuçiçi është duke provokuar edhe më keq se këta gjakpirës
Përgjigju