Një tjetër ish-zyrtar është paraqitur këtë të hënë në SPAK. Ish-kryetari i Bashkisë së Lezhës, Fran Frrokaj, iu përgjigj gazetarëve në dalje nga SPAK duke thënë ishte në prokurori për punët e tij.

Frrokaj është dënuar nga Shkalla e Parë me 4 vite burg për tjetërsimin e pronave te Rana e Hedhun në Shëngjin, por ankimit të tij për pafajësi, Apeli iu përgjigj duke e zhbërë vendimin dhe duke e rikthyer për rigjykim në fazë të parë mbi akuzën e shpërdorimit të detyrës. Ishte prokuroria që ankimoi më tej këtë vendim në Gjykatë të Lartë, që në përfundim vendosi ta rikthejë për shqyrtim në Apelin e Shkodrës me një tjetër trup gjyqësor.

Teksa Fran Frrokaj është në proces gjyqësor në Apel për tjetërsimin e pronave, nuk dihet ende se për çfarë qëllimi u gjend në SPAK.

Për skandalin e tjetërsimit të pronave në Shëngjin hetimet nisën në vitin 2017 pas denoncimit të një qytetari se prona e tij rezultonte në Hipotekë në emër të familjeve të tjera. Prokuroroia provoi zhvatjen e pronave përmes falsifikimit të dokumenteve dhe për këtë cështje janë dënuar 17 persona.