Politikë

Ish-kryeministri dhe opozita të ekzaltuar, ironia e Kreshnik Spahiut: Berishës vizën ia hoqi qeveria e Trump, edhe SPAK u themelua nga administrata e tij!

Juristi dhe publicisti Kreshnik Spahiu, ka shpërndarë në rrjetet sociale një ironi për ata opozitarë që janë ngazëllyer me fitoren e Donald Trump dhe shpresojnë rikthimin në pushtet me ish-kryeministrin. U kujton se heqja e vizave për Berishën, reforma në drejjtësi, dekretimi i Yuri Kim, themelimi i SPAK dhe lista 'non grata' e socialistëve, u bë nga administrata e Trump, kur ishte në Shtëpinë e Bardhë

Kreshnik Spahiu

Redaksia 6 Nëntor, 19:21 | Përditesimi: 6 Nëntor, 19:32

Teksa amerikanët kanë mësuar se kush do jetë presidenti i tyre i 47-të, nuk kanë munguar as reagimet në Shqipëri.

Madje më e ngazëllyer është opozita e drejtuar nga ish-kryeministri Sali Berisha, prej një viti nën arrest shtëpiak nga GJKKO dhe SPAK për akuzë korrupsioni për aferën “Partizani”, që Donald Trump u rikthye në krye të Shtëpisë së Bardhë si president, duke nënkuptuar me mesazhe dhe foto të ndryshme se tani është radha e Berishës.

Por juristi dhe publicisti Kreshnik Spahiu, ka shpërndarë në rrjetet sociale një ironi për ata opozitarë që janë ngazëllyer me fitoren e Donald Trump dhe shpresojnë rikthimin në pushtet me ish-kryeministrin.

LEXO EDHE:
Çfarë pritet të sjellë një mandat i dytë i Donald Trump

Me një listë të shkurtër, Spahiu shkruan se “politika e lartë amerikane për reformën në drejtësi, është hartuar nga administrate e Presidentit Trump”.

Postimi i Spahiut:

“Kujtesë për ata që uronin sot Donald Trump!

- Ambasadorja Yuri Kim u dekretua nga Trump

- Reforma në Drejtësi u votua në kohën e Trump

- SPAK u themelua nga administra e Trump

- Heqja e vizave amerikane për Berishën nga Trump

- Lista e Non Gratave për socialistët nga Trump”