POP 5

Lajmet më të lexuara të 5 minutave të fundit

Kronikë

Ish-kryetari i bashkisë Kamëz, Xhelal Mziu paraqitet në SPAK! U kallëzua për shpërdorim detyre nga Rakip Suli (VIDEO)

Ish kryebashkiaku Xhelal Mziu, sot deputet i PD për afro 120 minuta qëndroi në SPAK. ReportTv mëson se ai është pyetur për një kallëzim bërë nga pasardhësi Rakip Suli. Sipas Sulit, Mziu ka favorizuar kompani duke i dhënë leje ndërtimi pa i marrë 3 përqindëshin që kanë detyrim ligjor për strehim social.

TIRANË- Ish-kryetari i bashkisë së Kamzës, aktualisht deputet i Partisë Demokratike, Xhelal Mziu është paraqitur mëngjesin e sotëm në SPAK, dhe ka qendruar aty për rretth 120 minuta.

Hetimet po ndiqen nga prokurori Klodian Braho. Sipas dosjes hetimore, në lejet e ndërtimit dhënë nga bashkia Kamëz, Xhelal Mziu në atë kohë kryetar bashkie, nuk ka zbatuar 3% të pronësisë për strehim social nga kompanitë e ndërtimit, të cilat sipas marrëveshjes e japin ose banesë të përfunduar ose paguajnë vlerën monetare.

Për mediat, deputeti demokrat bëri të ditur se në Prokurorinë e Posaçme Antikorrupsion ishte pas kallëzimit të Rakip Sulit.

“U thirra në SPAK pas kallëzimit të Rakip Sulit. Nuk mund të flas për hetimin. Dhashë të gjitha deklarimet e mia,” tha Mziu për gazetarët.

Xhelal Mziu është kallëzuar më herët nga pasardhësi i tij edhe për lejen e thertoren së mishit në Paskuqan si dhe lejen e dhënë disa kompanive në transportin publik në Kamëz.

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23