Ish-ministri teknik i PD, Dritan Demiraj: Urime Begajt, bojkoti në votim tregon mungesë lidershipi

Ish-ministri teknik i PD, Dritan Demiraj ka dalë kundër bojkotit të opozitës në seancën për zgjedhjen e presidentit të ri. Nga ana tjetër ai ka vlerësuar figurën e Bajram Begaj, duke thënë se zgjedhja e tij bën të gjithë krenar.

“Zgjedhja e një ushtaraku në krye te shtetit, është një vendim dhe zgjedhje që na bën të gjithëve krenare. Portreti i ushtarakut është simboli i dashurisë për Atdheun, Detyrën dhe Kombin.

LEXO EDHE:
Presidenti Begaj viziton varrezat e viktimave të genocidit çam

Presidentin Bajram Begaj e njoh personalisht për më shumë se dy dekada në Forcat e Armatosura dhe përveç të tjerave mbaj mend përkushtimin e tij maksimal ndaj pacienteve ushtarake, kolegeve dhe jo vetëm. Me këtë rast i uroj suksese dhe mbarësi presidentit Begaj në detyrën më të larte si kreu i shtetit Shqiptar dhe si Komandant i Përgjithshëm i Forcave të Armatosura.

Nga ana tjetër mendoj se djegia e mandateve, bojkotimi dhe braktisja e çdo procesi institucional dhe detyrimi kushtetues nga ana e opozitës "perëndimore", për të cilën është votuar për të qenë zëri dhe përfaqësuesi i qytetarëve opozitare në institucionin e Parlamentit Shqiptar me justifikime qesharake nuk tregon asgjë tjetër vetëm mungesë lidershipi dhe vizioni politik”, shkruan Demiraj.

 

Lajmi kryesor:

Bajram Begaj president/ SHBA-BE-OSBE: Mezi presim të bashkëpunojmë! Rama: Figurë me integritet që s’diskutohet! Meta: Urime (REAGIMET)

B.K./Shqiptarja.com

TAG:
• Bajram Begaj
• bajram begaj zgjidhet president