POP 5

Lajmet më të lexuara të 5 minutave të fundit

Kronikë

Ishte asfaltuar para 10 ditësh, mjetet e rënda të gurores shkatërrojnë rrugën në Bllacë të Bulqizës! Banorët në protestë: Mos transportoni materiale mbi tonazh

Banorët e Bllacës në Njësinë administrative Shupenzë në Bulqizë kanë dalë në protestë për guroren, pasi dhjetë ditë pas asfaltimit të rrugës ajo ka nisur të prishet nga qarkullimi I mjeteve të rënda. Banorët kërkojnë që institucionet shtetërore të ndërhyjnë menjëherë në zgjidhjen e këtij problemi në mënyrë që çështja të mos agravojë më tej në konflikte

Rruga e fshatit Bllacë në Njësinë administrative Shupenzë në Bulqizë u asfaltua vetëm dhjetë ditë më parë e megjithatë rruga ka nisur të dëmtohet .

Shkak është bërë qarkullimi i mjeteve të tonazhit të rëndë të  një firme që po shfrytëzon gurin  në zonën e tyre.

Banorët e Bllcës me një protestë simbolike kërkojnë gjetjen e një alternativë tjetër të firmës për të transportuar materialet me tonazh deri në 60 ton çka ka sjell dëmtim të rrugës.

‘Të vij dhe firma dhe inxhinieri i kësaj firme të na tregojnë sa e ka tonazhin e lejuar  kjo rrugë.’- tha një banorët.

“Ne kërkojmë nga shteti që ta marr materialin, por të ketë një limit për tonazhin ose të hap rrugën e vetë. këtu në këtë rrugë nuk do të kaloj më.”- u shpreh një nga banorët.

“Nesër do të dalim sërish dhe fëmijët do t’i marrim me vete. Do t’i dal para kamionit, le të më shkeli.”- tha një banor.

“Kur ka ardhur kjo firmë këtu na ka premtuar për zgjerimin e rrugës dhe për mirëmbajtjen. Jo vetë nuk e mirëmbajti , po ka prishur dhe urat ekzistuese.”- u shpreh një banor.

Kryetari i fshatit Bllacë, Hekuran Skarra bën me dije se i është kërkuar firmës që të mos transportojnë mbi tonazh në këtë rrugë ose të ndërtojë një rrugë tjetër.

“Që të na prishet rruga për një javë kjo është e pafalshme. Firma ka vendosur tonazh 60 ton dhe normal që rruga prishet brenda javës.”- tha Hekuran Skarra, kryetar i fshatit Ballacë.

Banorët kërkojnë që institucionet shtetërore të ndërhyjnë menjëherë në zgjidhjen e këtij problemi në mënyrë që çështja të mos përfundojë si ajo e Borizanës në Fushë-Krujë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46