POP 5

Lajmet më të lexuara të 5 minutave të fundit

Kronikë

Mori 100 mijë euro për të liruar të burgosurin, arrestohet 66-vjeçari në Shkodër, i dënuar me 12 vite burg

Një 66-vjeçar është arrestuar nga polici në Shkodër, pasi ishte shpallur në kërkim për veprën penale Mashtrimi

Mori 100 mijë euro për të liruar të burgosurin, arrestohet 66-vjeçari në Shkodër, i dënuar me 12 vite burg

Prend Kola

Një 66-vjeçar është arrestuar nga polici në Shkodër, pasi ishte shpallur në kërkim për veprën penale Mashtrimi. Prenda Kola ishte dënuar nga Gjykata e Apelit me 12 vite burg, për veprën penale “Mashtrimi”, me pasoja të rënda.

66-vjeçari Prend Kola u dënua nga Gjykata e Tiranës me 12 vjet burg me akuzën e bashkëpunëtorit, bashkë me Albana Lazen. Kjo e fundit po ashtu e dënuar për përvetësimin e një shume prej 100 mijë eurosh përmes mashtrimit. Sipas vendimit të gjykatës, i pandehuri Prend Kola u shpall fajtor për akuzën e “mashtrimit me pasoja të rënda”, kryer në bashkëpunim. Referuar vendimit, ka rezultuar e provuar se Prendi në bashkëpunim me Albana Lazen kanë përfituar 100 mijë euro nga familjarët e një të dënuari, duke i premtuar atij lirimin nga burgu të të afërmit të tyre.

Ngjarja është shënuar në vitin 2006, ku i pandehuri Prend Kola ka rënë në kontakt me shtetasin N. Gj., vëllai i të cilit ishte arrestuar si i dyshuar për akuzën e “prodhimit dhe shitjes së narkotikëve”. Sipas gjykatës, Prend Kola i ka garantuar se në këmbim të 100 mijë eurove ai mund t’ia nxirrte nga burgu familjarin e tij brenda 6 muajsh, duke i thënë se kishte një njeriun e tij te Gjykata për Krimet e Rënda.

Kola i ka prezantuar familjarëve të të arrestuarit Albana Lazen, e cila është zotuar se kishte njohje te Krimet e Rënda. Në vijim Kola dhe Laze i kanë marrë shumën 100 mijë euro. Para familjarëve ata kanë shtyrë disa herë kohën kur do ta lironin të arrestuarin, derisa Laze u arrestua për një episod tjetër mashtrimin, ndërsa Kola humbi kontaktet me ta.

Gjatë gjykimit, i pandehuri Kola ka mohuar akuzën, duke u shprehur se edhe ai ishte i mashtruar nga Laze. Ai ka deklaruar se nuk ka përfituar asgjë nga shuma prej 100 mijë eurosh. Për të njëjtin episod, në vitin 2011 Laze u dënua me 8 vjet burg, vendim që u la në fuqi edhe në Apel.

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Samitit BE-Ballkani Perëndimor, presidenti i Këshillit Europian: Zgjerimi me vendet e Ballkanit Perëndimor, investimi më i madh gjeopolotik

Samitit BE-Ballkani Perëndimor, presidenti i Këshillit Europian: Zgjerimi me vendet e Ballkanit Perëndimor, investimi më i madh gjeopolotik

18 Dhjetor, 17:41