I dënuar me 25 vite burg në Greqi dhe vijonte trafikun e emigrantëve, arrestohet në Korçë 54-vjeçari i rrezikshëm, në 2020 subjekt i OFL-së

Arrestohet në Korçë 54 vjeçari Astrit Dedja, i dënuar me 25 vite burg në Greqi për disa verpa të rënda penale ndërsa vijonte dhe trafikun e emigrantëve. 

54 vjeçari është arrestuar sot në në fshatin Çërravë, Pogradec, pasi akuzohet se është organizator i transportit të 13 emigrantë të paligjshëm kundrejt fitimit. Bashkë me të është arrestuar R. K., i cili po bënte transportin e emigrantëve.

Astrit Dedja banues në Dibër konsiderohet si një person me rrezikshmëri të lartë. Në nëntor të 2020, OFL i ka kërkuar justifikimin e pasurisë. Nga verifikimet e kryera rezulton se Gjykata e Selanikut, Greqi, e ka dënuar Dedjan me 25 vite burg për veprat penale "Vjedhja me armë", "Armëmbajtja pa leje", "Dhunimi i banesës", "Vrasja me paramendim", "Shkatërrimi i pronës", "Prodhimi dhe shitja e narkotikëve" dhe "Largimi i të burgosurit nga vendi i qëndrimit", vendim i njohur nga Gjykata e Rrethit Gjyqësor Dibër dhe Gjykata e Apelit në Tiranë.

Njoftimi i policisë:

Vijon operacioni policor "Perimetri". Forcat Operacionale të Drejtorisë Vendore të Policisë Tiranë, në bashkëpunim me strukturat për Hetimin e Krimit në DVP-Korçë, kapin dhe ndalojnë një shtetas me rrezikshmëri të lartë, i shpallur në kërkim në kuadër të këtij operacioni, në rolin e organizatorit. I ndaluari, rezulton gjithashtu i dënuar me 25 vite burg në Greqi për disa vepra të rënda penale.

Strukturat për Hetimin e Krimeve në Drejtorinë Vendore të Policisë Korçë, në vijim të punës për dokumentimin e plotë të ngjarjes së ndodhur më datë 25.06.2021, në fshatin Çërravë, Pogradec, ku u arrestua në flagrancë shtetasi R. K., i cili u kap duke transportuar kundrejt fitimit 13 emigrantë të paligjshëm, në bashkëpunim me Forcat Operacionale në Drejtorinë Vendore të Policisë Tiranë, bënë të mundur kapjen dhe ndalimin e shtetasit të shpallur në kërkim A. D., 54 vjeç, banues në Dibër, i cili nga veprimet hetimore të kryera rezulton se kishte rolin e organizatorit të kësaj ngjarjeje. 

Gjithashtu nga verifikimet e kryera rezulton se Gjykata e Selanikut, Greqi, e ka dënuar shtetasin A. D.,  me 25 vite burg për veprat penale "Vjedhja me armë", "Armëmbajtja pa leje", "Dhunimi i banesës", "Vrasja me paramendim", "Shkatërrimi i pronës", "Prodhimi dhe shitja e narkotikëve" dhe "Largimi i të burgosurit nga vendi i qëndrimit", vendim i njohur nga Gjykata e Rrethit Gjyqësor Dibër dhe Gjykata e Apelit në Tiranë. Materialet në ngarkim të tij i kaluan Prokurorisë së Rrethit Gjyqësor Korçë, për veprime të mëtejshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor

'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor