'Ishte si luan'! Shpëtoi dy jetë nën rrënoja, Rama nderon heroin, zjarrfikësi i Vlorës: Do shërbej deri në ditën e fundit (VIDEO)

Kryeministri Edi Rama i ka dhënë medaljen e artë të vlerësimit profesional zjarrfikësit të Vlorës Luan Kapaj, i cili mori pjesë në operacionet e kërkim shpëtimit për të nxjerrë njerëzit nga rrënojat në Durrës pas tërmetit tragjik të 26 Nëntorit. Këtë dekoratë e merr për herë të parë një individ, pasi më parë e morën ekipet e kërkim shpëtimit të vendeve të huaja që ndihmuan pas tragjedisë. 

"Më vjen mirë që këtu për ta nderuar Luanin kanë ardhur edhe ata që e kanë një jetë të dytë nga Luani. Dëgjova edhe kolegë të huaj të Luanit, që u shprehën me një admirim të jashtëzakonshëm për aktet e tij. Njëri më tha se nuk arrij të kuptoj, si mund të ishte një njeri aq i gatshëm të sakrifikonte jetën e tij, edhe pse tha, që kam parë episode të jashtëzakonshme që prapë se prapë nuk janë për aq sa kujtoj.

Edhe unë i thashë nuk ke për ta kuptuar kurrë po nuk kuptove cfarë do të thotë të jesh vlonjat. Dëshiroj ti jap Luanit medaljen e artë për vlerësim profesional, një medalje e krijuar prej disa kohësh dhe është dhënë për herë të parë vetëm për trupat e kërkim shpëtimit që erdhën dhe na ndihmuan, por është e para që i jepet një individi.

Duke ia  dhënë Luanit, jo vetëm ia japim edhe medaljes një vlerë shumë të madhe, por e vendosim stekën shumë lart për individë të tjerë. Më vjen mirë që e shoh përditë, që ajo që njerëzit tanë bënë në momentet e një krize ka frymëzuar në tërësi të gjitha ata që pa qenë të thirrur për të bërë heroizima dhe procesi i rindërtimit po ecën mjaft mirë.

Ndodh që kur dikush bën mirë një punë, njerëzit thonë 'detyrën po bën', por dallimin e bën pikërisht përkushtimi dhe cilësia në kryerjen e detyrës. Me shumë respekt dëshiroj të dorëzoj këtë medalje dhe të them se jam i privilegjuar dhe i prekur që jam pranë teje, sepse në kushtet e jetës së përditshme njerëzit si ti janë thjeshtë në jetën e tyre dhe ne rrallë i shohim. Të jam shumë mirënjohës dhe të falenderoj për gjithcka" i tha Rama.

1577707347_ramaluani12.jpg

Kryeministri Edi Rama me zjarrfikësin Luan Kapaj

Zjarrfikësi u shpreh se është krenarë për faktin që shpëtoi dy qytetarë, ndërsa shtoi se do të vijojë që ti shërbejë atdheut deri ditën e fundit të jetës. "Më shumë se sa krenarë më bën krenarë për dy qytetarët e mi që marrin ajrin e kësaj toke dhe shikojnë dritën e diellit. Do i shërbej popullit tim deri në ditën e fundit të jetës sime" tha ai. Dy qytetarët që Kapaj u shpëtoi jetën ishin të pranishëm duke duartrokitur vlerësimin për zjarrfikësin, ndërsa njëri prej tyre u shpreh se "Luani më shpëtoi jetën. Kishte zemër të madhe, sikur ka emrin ishte edhe vete". Kryeministri Edi Rama e mbylli ceremoninë me një batutë "vlonjatë jemi, por ti je më vlonjat se unë, asaj pjese ia dedikoj edhe pjesën e fortë" tha ai.
1577707305_ramaluani11.jpg

Kryeministri Edi Rama me zjarrfikësin Luan Kapaj dhe dy qytetaret qe shpetoi

VIDEO/Shpëtimi i të mbijetuarëve nën rrënoja nga zjarrëfiksët e Vlorës te pallati në Durrës

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Roni FR: 30/12/2019 23:18

    O Ram Te ka dal cipa fare.. 2 min I dhe medaljen Luanit, 9 min ste pushoi goja Ik mor burr hapi rrugen te rinjve se le nam.

    Përgjigju
  • Loti: 30/12/2019 20:12

    Është shumë normale qe faqezite te fusin preferencat e tyre politike ne gjitheshka. Po keshtu dhe ata qe urrejne kte apo ate krahine te shqiperise normale qe do flasin kundra. Unë e shof kte si gjestin e nje njeriu te zakonshem(Luanin) qe situata ja kerkoj te beheshe hero dhe ai ju pergjigj thirrjes. Faleminderit Luan, qe me gjestin tend na bere te ndihemi edhe me shume krenar per vendin tone, per njerezit tane.

    Përgjigju
  • LORA: 30/12/2019 17:52

    Luan Kapaj eshte vertete heroi qe shpetoi jete nen rrenojat e termetit te tmerrshem te 26 nentorit. Mirenjohje per kete burre,mjeshter te zanatit te tij.

    Përgjigju
  • Capi: 30/12/2019 14:45

    Rama komunist i vertete, si ne kohen e Xhaxhit, duke dekoruar te tjeret, tenton te mbuloj gabimet e tij. Ne diten kur ndodhi termeti, nuk i hapi telefonin kryeministrit kosovar Haradinajt, ne menyre qe te futeshin kosovaret (ekipi shpetimtar) ne menyre zyrtare ne shqiperi per te ndihmuar!!! Edi te ka marrur mendjen "COLUMBIANA" !!! Legen KOMUNIST !!! THE BIG EDI.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti