Ishulli i Kretës nën ‘terrorin’ e flakëve, 150 zjarrfikës dhe 3 helikopterë në luftë me zjarret

Ishulli i Kretës nën ‘terrorin’ e flakëve, 150 zjarrfikës dhe 3 helikopterë në luftë me zjarret

Ishulli i Kretës në Greqi është ‘pushtuar’ nga zjarre masive këtë të shtunë, duke detyruar shumë familje të braktisin shtëpitë e tyre.

Forcat zjarrfikëse greke sqarojnë se shkak i përhapjes së shpejtë të zjarrit në ishull kanë qenë erërat e forta.

Zjarri shpërtheu në orët e paradites së sotme (6 prill 2024) dhe nga erërat e forta u përhap në shpatet e pyllit malor në lindje të qytetit bregdetar të Ierapetrës.

Autoritetet urdhëruan evakuimin e banorëve që jetojnë në fshatrat Achlia, Galini, Agia Fotia dhe Mavros Kolimpos, pasi zjarri përfshiu disa shtëpi.

“Zjarri është ulur ndjeshëm pas përpjekjeve të qindra zjarrfikësve”,- tha një zyrtar i shërbimit zjarrfikës për Reuters.

"Ishte zjarri i parë i madh pranë një zone të banuar këtë vit”,- shton ai.

Më herët gjatë ditës një zjarrfikës dhe një banor i zonës u dërguan në spital me lëndime të lehta.

Rreth 150 zjarrfikës po luftonin me zjarrin në pyll, të ndihmuar nga tre helikopterë.

Ministria e Mbrojtjes Civile i ka vënë autoritetet në gatishmëri për shkak të erërave të forta që priten në ditët në vijim dhe pasi dhjetëra zjarre më të vogla në pyje shpërthyen të shtunën.

Zjarret janë të zakonshme në kombin mesdhetar. Vitin e kaluar një zjarr i egër në Greqinë verilindore për 11 ditë shkatërroi një zonë më të madhe se qyteti i Nju Jorkut dhe vrau 20 njerëz.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?



×

Lajmi i fundit

Rindërtimi, Rama: Drejt përfundimit lagjja më e re në Krujë

Rindërtimi, Rama: Drejt përfundimit lagjja më e re në Krujë