POP 5

Lajmet më të lexuara të 5 minutave të fundit

Politikë

Ismailaj u mor i pandehur nga SPAK, Braçe në mbrojtje të kryebashkiakut të Mallakastrës:  Dekriminalizimi po shërben si amnisti për gangsterët e vërtetë të politikës

Deputeti Erion Braçe i ka dalë në mbrojtje kryebashkiakut socialist Qerim Ismailaj, pasi  ky i fundit është marrë i pandehur  nga Gjykata e Posaçme kundër krimit nën akuzën e falsifikimit të vulave e stampave referuar formularit të dekriminalizimit, ku nuk kishte deklaruar një dëmin në Greqi 21 vite më parë.

Ismailaj u mor i pandehur nga SPAK, Braçe në mbrojtje të kryebashkiakut të Mallakastrës:  Dekriminalizimi po shërben si amnisti për gangsterët e vërtetë të politikës

Erion Braçe dhe Qerim Ismailaj

Deputeti Erion Braçe i ka dalë në mbrojtje kryebashkiakut socialist Qerim Ismailaj, pasi  ky i fundit është marrë i pandehur  nga Gjykata e Posaçme kundër krimit nën akuzën e falsifikimit të vulave e stampave referuar formularit të dekriminalizimit, ku nuk kishte deklaruar një dëmin në Greqi 21 vite më parë.  I indinjuar Braçe shkruan se dekriminalizimi po shërben si amnisti për gangsterët e vërtetë të politikës dhe ata që janë bërë mbret përmes krimit dhe parave të pista, dhe po godet ata që kanë emigruar dhe kanë kërkuar pagën e tyre për punë  e bërë.

“Edhe një herë, gangster nuk je kur emigron, punon si i tillë, kërkon të paguhesh për punën që bën. Poooo, faj është të kërkosh të paguhesh për punën që kë kryer edhe me forcë-nëse provohet e tillë. Por gangster në politikë nuk je! Gangster je kur: Emigron, punon në punë të pista duke ju dhënë krimit me gjithë fuqinë tende, vjedh makina dhe i trafikon, trafikon drogë e armë, siguron të ardhura pa masë dhe kthehesh në vendin tënd ku, me ato para, ble këdo që merr vendim të të bëj udhëheqës politik, me ato para ble vota cep e më cep të territorit politik ku të kanë bërë Mbret! Dekriminalizimi për fat të keq po shërben si amnisti për gangsterët e vërtetë të politikës”, shkruan Braçe.

Ditën e djeshme GJKKO vendosi të marrë të pandehur Qerim Ismailaj, kryebashkiaku Mallakastrës pasi kishte fshehur një dënim me 3 vite burg në Greqi, të ndodhur 21 vite parë. SPAK bëri me dije se i ka komunikuar akuzën Ismailajt për falsifikim të vulave e stampave referuar formularit të dekriminalizimit.

Qerimaj u denoncua nga PD, ndërsa letër-porosia e autoriteteve greke zbuloi dënimin e dhënë për ngjarjen e vitit 1999 për rrahje ndaj një personi. Me ndryshimet ligjore dhe ngritjen e SPAK, ky është zyrtari i parë i cili nga ligji i dekriminalizimit merret i pandehur nga SPAK, ndërsa më herët kanë qenë Prokuroria e Tiranës.

Prokuroria e Përgjithshme ia dërgoi gjetjet KQZ më 2 korrik 2021 e cila vendosi ta lërë në detyrë Qerim Ismailajn me argumentin se dënimi penal dhënë në Greqi në Shqipëri është dënim vetëm me gjobë.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29