POP 5

Lajmet më të lexuara të 5 minutave të fundit

Kronikë

Itali, 1.5 ton drogë në peshkarexhë
pranga shqiptarit dhe 2 italianëve

Mbi 1.5 ton është sasia e lëndës narkotike të sekuestruar në bordin e një peshkarexhe në portin e Manfredonia në Itali. Autoritetet italiane bëjnë të ditur se lënda narkotike vinte nga Shqipëria. Arrestohet një shqiptar dhe dy italianë.(Foto, shqiptari Guri Bushi dhe momenti i arrestimit në peshkarexhë)
Itali, 1.5 ton drogë në peshkarexhë<br />pranga shqiptarit dhe 2 italianëve
ITALI - Mbi 1.5 ton është sasia e lëndës narkotike të sekuestruar në bordin e një peshkarexhe në portin e Manfredonia në Itali. Sipas autoriteteve italiane, droga ishte fshehur brenda në anijen e peshkimit prej 15 metrash me 3 persona në bord, dy italianë dhe një shqiptarë. Micheleantonio Nenna, 57 vjeç, Matteo Castriotta, 23 vjeç dhe shtetasi shqiptar Guri Bushi, 40 vjeç, u arrestuan në bordin e anijes së peshkimit 'Atlantide 1', pronari i të cilës është Nenna-s, pranë bregut të Vieste në lartësinë e Pugno Chiuso.

Operacioni policor, ku u arrestuan tre personat, nën akuzën për trafik ndërkombëtar të lëndëve narkotike dhe trafik armësh, u ezkekutua natën e kaluar nga agjentët e Komisariatit të Policisë së Manfredonia-s në bashkëpunim me Skuadrën Mobile të Foggia-s, dhe me ndihmën e Guardia di Financa të Manfredonia-s, Taranto-s.

Sipas autoriteteve italiane, mësohet se brenda në anije janë gjetur edhe armë pa leje. Autoritetet italiane bëjnë të ditur se lënda narkotike vinte nga Shqipëria.

Të tre personat kanë tentuar të sjellin në Itali më shumë se një tonelatë e gjysëm lëndë narkotike dhe armë të klasifikuar si të jashtëligjshme dhe municione luftarake.

Anija ishte mbushur plot e përplot me drogë, të ndarë në 88 thasë, për destinacione të ndryshme.

Në kabinën e pilotit u gjet një pushkë e tipit AK 47, që mendohet të jetë prodhim kinez, pajisur me karikator dhe baionete, dhe 60 fishekë. Gjithashtu në kabinë u konfiskuan dhe një pistoletë e tipit 7.65, prodhim çekosllovak, 30 municione të të njëjtit tip dhe një silenziator.

Mendohet që droga të jetë importuar nga organizata kriminale të Foggia-s për tu shpërndarë më pas në qytetet e tjera italiane.

Lajmi u publiku fillimisht në orën 11:13 dhe u përditësua më 17:40

Redaksia Online
(Gre.M/Shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Thirrje për pauzë në zhvillimin e inteligjencës artificiale

Thirrje për pauzë në zhvillimin e inteligjencës artificiale

30 Mars, 09:39